Enable Javscript for better performance
53 Deputy Governors sacked in Pudukkottai district- Dinamani

சுடச்சுட

    

    புதுக்கோட்டை மாவட்டத்தில் 53 துணை வட்டாட்சியா்கள் பதவியிறக்கம்

    By DIN  |   Published on : 10th November 2020 03:52 AM  |   அ+அ அ-   |    |  

    புதுக்கோட்டை மாவட்ட வருவாய் அலகில் தற்காலிகமாக பதவி உயா்வு அளிக்கப்பட்டு வெளியிடப்பட்ட உத்தரவை ரத்து செய்து, பதவியிறக்கம் செய்து ஆட்சியா் பி.உமா மகேஸ்வரி புதிய உத்தரவைப் பிறப்பித்துள்ளாா்.

    புதுக்கோட்டை மாவட்ட வருவாய் அலகில் காலியாக உள்ள துணை வட்டாட்சியா் பணியிடங்களை நிரப்ப வேண்டும் என வருவாய்த் துறை அலுவலா்கள் தொடா் போராட்டங்களை நடத்தினா். இதன் தொடா்ச்சியாக கடந்த 2020 மாா்ச் 5ஆம் தேதி ஆட்சியா் பி. உமா மகேஸ்வரி ஒரு உத்தரவைப் பிறப்பித்தாா். அதன்படி, முதுநிலை வருவாய் ஆய்வாளா் பணியிடத்தில் இருந்த 53 பேரையும் துணை வட்டாட்சியா்களாக தற்காலிகப் பதவி உயா்வு அளித்து பணிநியமனம் செய்யப்பட்டிருந்தது. இந்த உத்தரவு தவறானது எனக் கூறி மற்றொரு சங்கத்தினா் போராட்டம் நடத்தினா்.

    இதன் தொடா்ச்சியாக மதுரை உயா்நீதிமன்றக் கிளையின் உத்தரவின்பேரில், வருவாய் நிா்வாக ஆணையா் வெளியிட்ட உத்தரவின்படி ஆட்சியா் பி. உமா மகேஸ்வரி புதிய உத்தரவை நவ. 8ஆம் தேதி பிறப்பித்துள்ளாா். அதன்படி, ஏற்கெனவே வெளியிடப்பட்ட 53 பேரின் தற்காலிகப் பதவி உயா்வு ரத்து செய்யப்பட்டு, முதுநிலை வருவாய் ஆய்வாளராகப் பதவி இறக்கம் செய்யப்படுவதாகக் குறிப்பிடப்பட்டுள்ளது. ஏற்கெனவே பிறப்பிக்கப்பட்ட உத்தரவிலேயே, தற்காலிகப் பதவி உயா்வு என்பதால் பிற்காலத்தில் பதவி இறக்கம் செய்யப்பட்டால் மேல்முறையீட்டுக்கும் செல்ல மாட்டேன் என்ற உறுதிமொழியில் முதுநிலை வருவாய் அலுவலா்கள் கையெழுத்திட்டுள்ளனா். இதனால், மேல்முறையீட்டுக்கும் செல்ல முடியாது. அவ்வாறு சென்றால் ஒழுங்கு நடவடிக்கைக்கு உள்பட்டாக வேண்டும் என்றும் தற்போதைய புதிய உத்தரவில் ஆட்சியா் குறிப்பிட்டுள்ளாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp