ரூ. 1.29 கோடி படைவீரா் கொடி நாள் நிதி இலக்கு

புதுக்கோட்டை மாவட்டத்தில் ரூ. 1.29 கோடி படைவீரா் கொடிநாள் நிதியாக வசூலிக்க இலக்கு நிா்ணயம் செய்யப்பட்டுள்ளதாக ஆட்சியா் கவிதா ராமு தெரிவித்தாா்.

புதுக்கோட்டையில் கொடிநாள் வசூலைத் தொடங்கி வைத்த அவா் மேலும் கூறியது:

முப்படை வீரா்களின் நலன் கருதி அவா்களுக்கும், அவரைச் சாா்ந்தோரின் குடும்பத்துக்காகவும் ஆண்டுதோறும் கொடி நாள் நிதி வசூல் நாடு முழுவதும் நடைபெறுகிறது. புதுக்கோட்டை மாவட்டத்தில் கடந்த ஆண்டு கொடி நாள் வசூலுக்கு ரூ. 1.08 கோடி இலக்கு நிா்ணயம் செய்யப்பட்டு, ரூ. 1.19 கோடி வசூலிக்கப்பட்டது. நிகழாண்டில் கொடி நாள் வசூலுக்காக ரூ. 1,29,78,000 இலக்கு நிா்ணயம் செய்யப்பட்டிருக்கிறது என்றாா் கவிதா ராமு.

தொடக்க நிகழ்ச்சியில், முன்னாள் படைவீரா் நல உதவி இயக்குநா் தி.கி. செண்பகவல்லி, மாவட்ட முதன்மைக் கல்வி அலுவலா் சாமி. சத்தியமூா்த்தி ஆகியோா் உடனிருந்தனா்.