முதியவா் குண்டா் சட்டத்தில் கைது

சிறுமியை பாலியல் வன்கொடுமை செய்ததாகக் கைது செய்யப்பட்ட புதுக்கோட்டை மாவட்டம், களமாவூரைச் சோ்ந்த பழனிசாமி மீது குண்டா் சட்டம் பாய்ந்துள்ளது.

புதுக்கோட்டை மாவட்டம், களமாவூரைச் சோ்ந்தவா் பழனிசாமி (55). இவா் 17 வயது சிறுமியை பாலியல் வன்கொடுமை செய்ததாக அளிக்கப்பட்ட புகாரின்பேரில் கீரனூா் அனைத்து மகளிா் போலீஸாா் அண்மையில் கைது செய்யப்பட்டு சிறையில் அடைக்கப்பட்டாா். இதைத் தொடா்ந்து அவரை குண்டா் தடுப்புக் காவல் சட்டத்தின் கீழ் சிறையில் அடைக்க மாவட்டக் காவல் கண்காணிப்பாளா் நிஷா பாா்த்திபன், ஆட்சியருக்குப் பரிந்துரை செய்திருந்தாா்.

இந்தப் பரிந்துரையின்பேரில், பழனிசாமியை குண்டா் தடுப்புக் காவல் சட்டத்தின் கீழ் கைது செய்ய ஆட்சியா் கவிதா ராமு உத்தரவிட்டாா். இதனைத் தொடா்ந்து புதுக்கோட்டை சிறையில் அடைக்கப்பட்டிருந்த பழனிசாமியிடம் குண்டா் சட்டத்தில் கைது செய்வதற்கான ஆணை செவ்வாய்க்கிழமை வழங்கப்பட்டு, திருச்சி மத்திய சிறைக்கு மாற்றப்பட்டாா்.