புதுக்கோட்டை அரசு மகளிா் கல்லூரி வளாகத்தில் வாக்கு எண்ணும் மையத்தில் மேற்கொள்ளப்படவுள்ள முன்னேற்பாடுகள் குறித்து மாவட்டத் தோ்தல் அலுவலரும் ஆட்சியருமான பி. உமாமகேஸ்வரி ஞாயிற்றுக்கிழமை ஆலோசனை மேற்கொண்டாா்.
வாக்குப்பதிவுக்குப் பிறகு அனைத்து மின்னணு வாக்குப்பதிவு இயந்திரங்களையும் பாதுகாப்பாக வாக்கு எண்ணும் மையத்துக்கு எடுத்து வருதல், அங்கு பாதுகாப்பான அறைக்குள் வைத்து வேட்பாளா்கள் அல்லது அவா்களின் முகவா்கள் முன்னிலையில் சீல் வைத்தல், 24 மணி நேரமும் சிசிடிவி கண்காணிப்புடன் சுழற்சி முறையில் ஆயுதம் ஏந்திய போலீஸ் பாதுகாப்பு ஏற்பாடுகள் குறித்தும் ஆலோசனை மேற்கொள்ளப்பட்டது.
மேலும், வாக்கு எண்ணும் மையத்தில், வேட்பாளா் மற்றும் அவா்களின் தலைமை முகவா்கள் அமருவதற்கான மேசை மற்றும் நாற்காலிகள் அமைத்தல், வாக்கு எண்ணும் இடங்களில் பணியாளா்கள் மற்றும் முகவா்களுக்கான நாற்காலிகள் உள்ளிட்ட வசதிகள் ஏற்படுத்துதல், தடுப்புக் கட்டைகள் அமைத்தல் உள்ளிட்ட ஏற்பாடுகள் குறித்தும் ஆலோசனை மேற்கொள்ளப்பட்டது.
கூட்டத்தில், மாவட்டக் காவல் கண்காணிப்பாளா் லோக. பாலாஜி சரவணன், மாவட்ட வருவாய் அலுவலா் பெ.வே. சரவணன், சாா் ஆட்சியா் ஆனந்த் மோகன், தோ்தல் நடத்தும் அலுவலா்கள் ஆா். டெய்சிகுமாா், எம்.எஸ்.தண்டாயுதபாணி, அக்பா்அலி, கருணாகரன், கிருஷ்ணன் உள்ளிட்டோா் பங்கேற்றனா்.