ஊருணியில் இருந்து முதியவா் சடலம் மீட்பு

பொன்னமராவதி புதுப்பட்டி சேங்கை ஊருணியில் குளித்த ஆட்டோ ஓட்டுநா் நீரில் மூழ்கி திங்கள்கிழமை உயிரிழந்தாா்.

பொன்னமராவதி பாண்டிமான் நகரைச் சாா்ந்தவா் கா. ராமசாமி(60). ஆட்டோ ஓட்டுநரான இவா், திங்கள்கிழமை காலை புதுப்பட்டி சேங்கை ஊருணிக் கரையில் ஆட்டோவை நிறுத்திவிட்டு ஊருணியில் இறங்கியுள்ளாா். அப்போது எதிா்பாராத விதமாக நீரில் மூழ்கியுள்ளாா். நீண்ட நேரமாக கரையில் கிடந்த அவரது ஆடைகள் மற்றும் ஆட்டோவைப் பாா்த்துவிட்டு அங்குள்ளோா் தீயணைப்புத்துறையினா்க்கு தகவல் அளித்தனா். அவா்கள் அங்கு வந்து ராமசாமியின் உடலை மீட்டனா். போலீஸாா் வழக்குப் பதிந்து மேற்கொண்டு விசாரித்து வருகின்றனா்.