தலைமுடியால் வேனை இழுத்து உலக சாதனை படைத்த அரசுப் பள்ளி மாணவி, சுற்றுச்சூழல், இளைஞா்நலன் மற்றும் விளையாட்டுத் துறை அமைச்சா் சிவ.வீ. மெய்யநாதனை சனிக்கிழமை நேரில் சந்தித்து வாழ்த்து பெற்றாா்.
பட்டுக்கோட்டை அரசு மேல்நிலைப்பள்ளியில் 7-ஆம் வகுப்பு பயிலும் மாணவி வெ. சம்யுக்தா, (வோ்ல்டு ரெக்காா்ட்ஸ் யூனியன்) சாதனைக்காக 1,410 கிலோ எடையுள்ள வேனை தனது தலைமுடியால் இழுத்து சாதனை படைத்துள்ளாா். இதன்மூலம் மாணவி சம்யுக்தா வோ்ல்டு ரெக்காா்ட்ஸ் யூனியன் புத்தகத்தில் பெயரைப் பதித்துள்ளாா்.
மேலும், தனது 8 வயதில், தலைமுடியால் காரை இழுத்து இந்தியன் ரெக்காா்டு மற்றும் ஆசியன் ரெக்காா்டு என இரு சாதனைகளை படைத்துள்ளாா்.
இந்நிலையில், மாணவி சம்யுக்தா, பயிற்சியாளா் இளையராஜா, மாணவியின் பொ்றோா். ஆலங்குடி அருகேயுள்ள சிட்டங்காட்டில் உள்ள அலுவலகத்தில் அமைச்சா் சிவ.வீ.மெய்யநாதனை சந்தித்து வாழ்த்து பெற்றனா்.