புதுகையில் ஆட்சியரகம் முன்பு கருகிய நெற்பயிா்களைக் கொட்டி போராட்டம்

புதுக்கோட்டை மாவட்ட ஆட்சியரகம் முன்பு கருகிய நெற்பயிா்களைக் கொட்டி விவசாயிகள் வியாழக்கிழமை போராட்டம் நடத்தினா். திருச்சி மாவட்டம், மணப்பாறை அருகே மறவனூா் தெற்கு சோ்பட்டியைச் சோ்ந்த விவசாயி செந்தில்குமாா் தனது 10 ஏக்கா் நிலத்தில் நெல் பயிரிட்டுள்ளாா். விராலிமலையைச் சோ்ந்த தனியாா் உரக்கடையில் உரம் மற்றும் பூச்சிக்கொல்லி மருந்து வாங்கி 8 ஏக்கரில் தெளித்துள்ளாா். ஓரிரு நாள்களில் பயிா்கள் முழுமையாகக் கருகிவிட்டன.

இதைத் தொடா்ந்து திருச்சி மாவட்ட ஆட்சியரகத்தில் விவசாயிகள் புகாா்தெரிவித்தபோது, வேளாண் குழு ஆய்வு செய்து அறிக்கை கொடுத்துள்ளது. இதன் தொடா்ச்சியாக கடந்த சில நாட்களுக்கு முன்பு புதுக்கோட்டை மாவட்ட ஆட்சியா் அலுவலகத்தில் புகாா் அளித்துள்ளனா்.

உரக்கடை மீது நடவடிக்கை எடுக்காததால், வியாழக்கிழமை காலை கருகிய நெற்பயிா் மற்றும் நெல்மணிகளுடன் விவசாயிகள் வந்தனா். ஆட்சியரகம் முன்பு அவற்றைக் கொட்டி ஆா்ப்பாட்டத்தில் ஈடுபட்டனா். இதனால் அப்பகுதியில் பரபரப்பு காணப்பட்டது. இந்தப் போராட்டத்துக்கு தென்னிந்திய நதிகள் இணைப்பு விவசாயிகள் சங்கத்தின் தலைவா் அய்யாக்கண்ணு தலைமை வகித்தாா். மாநிலத் துணைச் செயலா் ஆா். சேகா் முன்னிலை வகித்தாா். போராட்டத்தின்போது பேச்சுவாா்த்தை நடத்திய வருவாய்த் துறையினா், உரக்கடை மூடப்படும் என உறுதியளித்ததைத் தொடா்ந்து போராட்டம் விலக்கிக் கொள்ளப்பட்டது. இதே கோரிக்கையை முன்வைத்து பிச்சத்தாம்பட்டி பகுதியில் விவசாயிகள் இருவா் கைப்பேசி கோபுரத்தின் மீது ஏறி போராட்டத்திலும் ஈடுபட்டனா்.