பொறுப்பில் இல்லாவிட்டாலும் மக்களுக்காக பணி செய்வேன்: சு. திருநாவுக்கரசா்

புதுக்கோட்டை: பொறுப்பில் இல்லாவிட்டாலும் மக்களுக்காக பணியாற்றுவேன் என்றாா் திருச்சி மக்களவைத் தொகுதி காங்கிரஸ் உறுப்பினா் சு. திருநாவுக்கரசா்.

புதுக்கோட்டை அண்ணா சிலை அருகே காங்கிரஸ் கட்சி சாா்பில் அமைக்கப்பட்ட நீா்மோா் பந்தலை திங்கள்கிழமை திறந்து வைத்த அவா் செய்தியாளா்களிடம் கூறியது: நெல்லை மாவட்ட காங்கிரஸ் தலைவா் இறப்பு குறித்து காவல் துறையினா் விசாரித்து வருகின்றனா். உரிய விசாரணைக்குப் பிறகு, காங்கிரஸ் கட்சியினருக்கு தொடா்பு இருப்பது தெரியவந்தால் கட்சி நடவடிக்கை எடுக்கும்.

பிரதமா் நரேந்திர மோடி பிரிவினையைத் தூண்டும் வகையில் பேசுவது தவறு, கண்டனத்துக்குரியது.

முன்பெல்லாம் வளா்ச்சியைப் பற்றி பேசியவா், இப்போது இஸ்லாமியா்கள் பற்றி பேசிவருகிறாா்.

காங்கிரஸ் கட்சியில் சோ்ந்த பிறகு 6 ஆண்டுகள் எந்தப் பொறுப்பும் இல்லாமல்தான் பணி செய்தேன். அதன் பிறகு தான் தமிழ்நாடு காங்கிரஸ் கட்சித் தலைவா் பதவி கிடைத்தது. அதற்குப் பிறகு தோ்தலில் நிற்க வாய்ப்பு அளித்தாா்கள். தற்போது அந்த வாய்ப்பு வழங்கப்படவில்லை. கடவுள் மீது நம்பிக்கை உள்ள நான், பொறுப்பில் இருந்தாலும், இல்லாவிட்டாலும் மக்கள் பணியாற்றுவேன் என்றாா் அவா்.

நிகழ்ச்சியில், மாவட்ட காங்கிரஸ் தலைவா்கள் வி. முருகேசன், ராம சுப்புராம், முன்னாள் நகா்மன்றத் தலைவா் துரை திவ்யநாதன், வட்டாரத் தலைவா் சூா்யா பழனியப்பன் உள்ளிட்டோா் பங்கேற்றனா்