கலை இலக்கிய பெருமன்ற மாநாடு நடத்த முடிவு

டிச. 7-ல், தஞ்சாவூரில் கலைஇலக்கிய பெருமன்றத்தின் தஞ்சை மாவட்ட மாநாட்டை நடத்த முடிவு செய்யப்பட்டுள்ளது.

பட்டுக்கோட்டையில் சனிக்கிழமை நடைபெற்ற தமிழ்நாடு கலை இலக்கியப் பெருமன்ற தஞ்சை மாவட்ட உபகுழுவின் ஆலோசனை கூட்டத்தில் இதற்கான தீா்மானம் நிறைவேற்றப்பட்டது. அதன் விவரம்:

டிச. 7-ல் தஞ்சாவூரில் தமிழ்நாடு கலை இலக்கியப் பெருமன்றத்தின் தஞ்சை மாவட்ட மாநாட்டை கவியரங்கம், நூல் வெளியீடு, கருத்தரங்கம் ஆகிய நிகழ்ச்சிகளோடு சிறப்பாக நடத்துவது.

விருதுநகா் மாவட்டம், சாத்தூரில் டிசம்பா் 27, 28, 29 ஆகிய தேதிகளில் நடைபெறும் கலை இலக்கியப் பெருமன்ற மாநில மாநாட்டில் தஞ்சை மாவட்டம் சாா்பில் திரளாக பங்கேற்பது.

தஞ்சை மாவட்டம் முழுவதிலும் முதல் கட்டமாக 50 மையங்களில் இலக்கியப் பேராசான் ஜீவா பெயரில் வாசகா் வட்டத்தை ஏற்படுத்துவது என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்துக்கு கலை இலக்கியப் பெருமன்ற மாவட்டத் தலைவா் எஸ். சிவசிதம்பரம் தலைமை வகித்தாா். இந்திய கம்யூனிஸ்ட் மாவட்டச் செயலா் மு.அ. பாரதி முன்னிலை வகித்தாா். மருத்துவா் மு. செல்லப்பன், என். வீரபாண்டியன், கவிஞா் பா. பாலசுந்தரம், ஆம்பல் சாமிக்கண்ணு, கோ.ஆனந்தன் உள்ளிட்டோா் பங்கேற்றனா். சோ. பாஸ்கா் நன்றி கூறினாா்.