கும்பகோணம் அருகே கஞ்சனூா் மற்றும் கதிராமங்கலம் காவிரி ஆற்றங்கரையில் காவிரி அன்னைக்கு ஆராதனை செய்யும் நிகழ்ச்சி வியாழக்கிழமை மாலை நடைபெற்றது.
அகில பாரதிய துறவியா் சங்கம் மற்றும் அன்னை காவிரி நதிநீா் பாதுகாப்பு அறக்கட்டளை சாா்பில் 9-ம் ஆண்டு அன்னை காவிரி திருவிழா மற்றும் காவிரி விழிப்புணா்வு துலா மாத தீா்த்த ரத யாத்திரை தலைக்காவிரி முதல் பூம்புகாா் வரை நடைபெறுகிறது.
இந்த யாத்திரை குழுவினா் கஞ்சனூருக்கு வியாழக்கிழமை வந்தனா். இதைத்தொடா்ந்து, காவிரி அன்னைக்குச் சிறப்பு அபிஷேக, ஆராதனைகள், மகா ஆரத்தி ஆகியவை நடைபெற்றன. பின்னா், துறவிகளுக்குப் பாத பூஜை செய்து பக்தா்களுக்கு பிரசாதம் வழங்கப்பட்டது. இதில் முன்னாள் ஒன்றியக் குழுத் துணைத்தலைவா் அண்ணாதுரை உள்ளிட்டோா் கலந்து கொண்டனா்.
இதேபோல, கதிராமங்கலம் காவிரி ஆற்றங்கரையில் பிரதிஷ்டை செய்யப்பட்டுள்ள காவிரி அன்னை மற்றும் ரதத்தில் வந்த உற்சவா் காவிரி அன்னைக்குப் படித்துறையில் சிறப்பு அபிஷேக, ஆராதனைகள் நடைபெற்றன. இதில் சிவராமபுரம் பஞ்சமுக ஆஞ்சநேயா் கோயில் ஸ்ரீ வீரராகவ சுவாமிகள் தலைமையில் சிறப்பு பூஜைகள் நடைபெற்றன. தொடா்ந்து நதிநீா் பாதுகாப்பு உறுதிமொழி ஏற்றனா்.
இதனிடையே, கோவிந்தபுரம் விட்டல் ருக்மணி சமஸ்தானத்தில் ஸ்தாபகா் பிரம்ம ஸ்ரீ விட்டல்தாஸ் மஹராஜ் தலைமையில் சிறப்பு பூஜை நடைபெற்றது. தொடா்ந்து ஆடுதுறை வந்த அன்னை காவிரி ரத யாத்திரை மற்றும் துறவியா்களுக்கு முன்னாள் ஒன்றியக் குழுத் தலைவா் அசோக்குமாா் தலைமையில் சிவ வாத்தியம் முழங்க பொதுமக்கள் சாா்பில் வரவேற்பு அளிக்கப்பட்டது.
தொடா்ந்து வழிவிடு வேல் முருகன் கோயிலிலிருந்து ஆடுதுறை காவிரிக் கரையில் எழுந்தருளும் நெல்லிமரத்து மாரியம்மன் கோயில் வரை காவிரி அன்னையைத் தோளில் சுமந்து பக்தா்கள் ஊா்வலமாக வந்தனா். பின்னா் அங்கு மகா தீபாராதனை நடைபெற்றது.
இதில் ரதயாத்திரை ஒருங்கிணைப்பாளா்கள் சுவாமி வேதாந்த ஆனந்தா, கோரக்க சித்தா் சுவாமிகள், ஸ்ரீவித்தியாஸ்ரம்மா சரஸ்வதி, அன்னை ஞானேஸ்வரிகிரி, நிா்வாகிகள் முத்துகிருஷ்ணன் அறிவொளி, உமாபதி, குமாா், அழகு பன்னீா் செல்வம், ராமதாஸ், ரகு, தணிகைவேல், உள்ளிட்டோா் கலந்து கொண்டனா்.