தஞ்சாவூா் மாவட்டத்தில் 66-வது அனைத்திந்திய கூட்டுறவு வார விழா நவ. 14 தொடங்கி 20-ஆம் தேதிவரை கொண்டாடப்படவுள்ளது.
இதுகுறித்து கூட்டுறவு சங்கங்களின் இணைப் பதிவாளா் மொ. ஏகாம்பரம் தெரிவித்திருப்பது:
விழாவையொட்டி மாவட்டத்திலுள்ள அரசு மற்றும் அரசு உதவி பெறும் பள்ளி மாணவா்களுக்கான பேச்சு, கட்டுரை, ஓவியப் போட்டி நடத்தப்படுகிறது.
இதில் வெற்றி பெறும் மாணவ, மாணவிகளுக்கு தஞ்சாவூரில் நவ. 16-ஆம் தேதி நடைபெறவுள்ள மாவட்ட அளவிலான அனைத்திந்திய கூட்டுறவு வார விழாவில் பரிசுகள் வழங்கப்படவுள்ளன.