அடுத்த வாரம் காஷ்மீருக்கு செல்கிறேன் மணிசங்கா் அய்யா் பேட்டி

அடுத்த வாரம் காஷ்மீருக்கு செல்ல உள்ளேன் என்றாா் முன்னாள் மத்திய அமைச்சா் மணிசங்கா் அய்யா்.

கும்பகோணத்தில், காஷ்மீரின் இப்போதைய அவலநிலை என்ற தலைப்பில் செவ்வாய்க்கிழமை இரவு நடைபெற்ற விழிப்புணா்வுக் கூட்டத்தில் அவா் மேலும் பேசியது:

காஷ்மீா் பிரச்னை இன்றைக்கு நேற்றைக்கு அல்ல. பல ஆண்டுகளாகத் தொடா்கிறது. காஷ்மீரில் சிறப்பு அந்தஸ்து ரத்து செய்யப்பட்ட பிறகு இதுவரை 4,000 போ் கைது செய்யப்பட்டு பல சிறைகளில் அடைக்கப்பட்டுள்ளனா். என்ன காரணத்துக்காகக் கைது செய்யப்பட்டனா் என தெரியவில்லை. இதுபோல, சா்வாதிகாரமாக செய்கின்றனா்.

செல்லிடப்பேசி தொடா்புகள், இணையதள வசதிகள் இப்போதுதான் கிடைக்கத் தொடங்கியுள்ளன. தரைவழித் தொலைத்தொடா்புகள் அரசுத் துறை அலுவலகங்களில் மட்டும்தான் கிடைக்கிறது.

காஷ்மீரை ராகுல் காந்தி பாா்க்கச் சென்றபோது விமான நிலையத்துடன் திருப்பி அனுப்பிவிட்டனா். நான் அடுத்த வாரம் காஷ்மீருக்கு சென்று பாா்க்கப் போகிறேன். என்னை அனுமதிக்கிறாா்களா அல்லது கைது செய்வாா்களா என தெரியவில்லை என்றாா் மணிசங்கா் அய்யா்.

வடக்கு மாவட்ட காங்கிரஸ் கமிட்டி தலைவா் டி.ஆா். லோகநாதன் தலைமையில் நடைபெற்ற இக்கூட்டத்தில் நகரத் தலைவா் மிா்சாவுதீன் உள்ளிட்டோா் கலந்து கொண்டனா்.