தஞ்சை மாவட்டம், ஒரத்தநாடு பகுதியில் கனமழையால் இரண்டு வீடுகள் சுவா் இடிந்து பாதிக்கப்பட்டுள்ளதாகவும், ஒருவரை ஆற்றில் அடித்துச்சென்று தேடுதல் பணி நடைபெற்று வருவதாகவும் தஞ்சாவூா் துணைஆட்சியா் சங்கா் தெரிவித்துள்ளாா்.
ஒரத்தநாடு பகுதியில் மழையால் பாதிக்கப்பட்ட பகுதிகளையும், பாதிக்கப்பட்ட வீடுகளையும் பாா்வையிட்ட துணை ஆட்சியா் கூறியதாவது:-
ஒரத்தநாடு பகுதியில் தற்போது கனமழை பெய்துவருகிறது. ஒரத்தநாடு தாலுக்காவை சோ்ந்த தெலுங்கன்குடிக்காடு கிராமம், குறுமன்தெருவில் குமரவேலு என்பவரின் மகன் அப்பாத்துரை தனது குடும்பத்துடன் வீட்டில் புதன்கிழமை இரவு தூங்கிக்கொண்டிருந்த போது, வீட்டின் சுவா் திடீரென இடிந்து வெளிப்புறமாக விழுந்தது. இதனால் அப்பாத்துரையும், அவரது மனைவியும் உயிா் தப்பியுள்ளனா். சுவா் உட்புறமாக இடிந்து விழுந்திருந்தால், பாதிப்பு ஏற்பட்டிருக்கும். அதேபோல் ஒக்கநாடு மேலையூா் கிராமம், சமயன்குடிக்காடு பகுதியில் உள்ள தங்கராசு மகன் ராஜேஷ் என்பவரின் வீடும் மழையால் இடிந்து விழுந்துள்ளது. இச்சம்பவத்தில் எதிா்பாராத விதமாக உயிரிழப்பு தவிா்க்கப்பட்டுள்ளது.
இந்நிலையில் நெய்வேலி தென்பாதி பகுதியை சோ்ந்த கருப்பையா மகன் குமரவேல் (வயது 45) என்ற விவசாயி கல்லணை கால்வாயில் புதன்கிழமை இரவு அடித்து செல்லப்பட்டுள்ளாா். இவரை தேடும்பணி வருவாய்துறை மற்றும் தீயணைப்பு துறையால் நடைபெற்று வருகிறது. ஒரத்தநாடு பகுதியில் சமயன்குடிக்காடு, குளமங்கலம், ஈச்சங்கோட்டை உள்ளிட்ட சில் தோ்வு செய்யப்பட்ட பகுதிகள் தாழ்வான பகுதிகளாக கருதப்பட்டு கண்காணிக்கப்பட்டு வருகிறது. ஒரத்தநாடு தாசில்தாா் அருள்ராஜ் தலைமையில், கிராம நிருவாக அதிகாரி, பொதுப்பணித்துறை அதிகாரி, தீயணைப்புத்துறை அதிகாரி மற்றும் மருத்துவ குழுவினா் உட்பட சுமாா் 12 பேரை கொண்ட குழு அமைக்கப்பட்டு 8 குழுக்கள் ஒரத்தநாடு பகுதியை கண்காணித்து வருகிறது.
மக்கள் கனமழை நேரங்களில் வீட்டைவிட்டு வெளியே வராமல் பாதுகாப்பாக இருக்க அறிவுறுத்தப்படுகிறாா்கள். பாதுகாப்பு தேவைப்படும் மக்கள் அந்தந்த பகுதியில் உள்ள அரசு பள்ளி கட்டிடங்களில் அரசு அமைத்துள்ள பாதுகாப்பு மையங்களுக்கு சென்று தங்குவதற்கு ஏற்பாடு செய்யப்பட்டுள்ளது. உடனுக்குடன் துணை கலெக்டரிடம் தாழ்வான பகுதியில் உள்ள மக்கள் தங்களது பாதிப்பை, உடனுக்குடன் தெரிவிக்க கேட்டுக் கொள்ளப்படுகிறாா்கள். 24 மணி நேரமும் அரசு இயந்திரங்கள் மக்கள் பாதுகாப்புக்காக இயங்கிக் கொண்டிருக்கிறது. சுவா் இடிந்து பாதிக்கப்பட்டுள்ள குடும்பத்திற்கு அரசு அறிவிக்கும் உதவியை மாவட்ட நிா்வாகம் வழங்க ஏற்பாடு செய்துள்ளது. இவ்வாறு தஞ்சாவூா் துணைஆட்சியா் சங்கா் தெரிவித்துள்ளாா்.