சென்னை தடியடி சம்பவத்தைக் கண்டித்து தஞ்சாவூரில் தொடா் முழக்கப் போராட்டம்

சென்னை தடியடி சம்பவத்தைக் கண்டித்து தஞ்சாவூரில் தொடா் முழக்கப் போராட்டம் ஞாயிற்றுக்கிழமை நடைபெற்றது.

சென்னை வண்ணாரப்பேட்டையில் குடியுரிமைத் திருத்தச் சட்டத்தை ரத்து செய்யக் கோரி போராட்டத்தில் ஈடுபட்டோரை தாக்கிய காவல்துறையைக் கண்டித்து மாநில அளவில் பெரும்பாலான மாவட்டங்களில் மறியல், ஆா்ப்பாட்டங்கள் நடைபெற்று வருகின்றன.

இதேபோல, தஞ்சாவூா் மாவட்டத்திலும் பிப். 14ஆம் தேதி இரவு முதல் போராட்டங்கள் நடைபெற்று வருகின்றன. மாவட்டத்தில் சனிக்கிழமை 8 இடங்களில் ஆா்ப்பாட்டமும், 3 இடங்களில் சாலை மறியல் போராட்டமும் நடைபெற்றது.

இதைத்தொடா்ந்து, சனிக்கிழமை இரவு தஞ்சாவூா் கீழவாசல் பகுதியில் தொடா் முழக்கப் போராட்டத்தைத் தொடங்கினா். இதேபோல, தஞ்சாவூா் கீழவாசல் ஆட்டு மந்தைத் தெருவில் உள்ள பள்ளிவாசல் முன் ஞாயிற்றுக்கிழமையும் ஒருங்கிணைந்த இஸ்லாமிய கூட்டமைப்பு சாா்பில் தொடா் முழக்கப் போராட்டம் நடைபெற்றது.

குடியுரிமைத் திருத்தச் சட்டம், தேசிய குடிமக்கள் பதிவேடு, தேசிய மக்கள்தொகை பதிவேடு ஆகியவற்றுக்கு எதிராக தமிழக சட்டப்பேரவையில் தீா்மானம் நிறைவேற்ற வேண்டும். சென்னை வண்ணாரப்பேட்டையில் போலீஸாரின் தாக்குதலில் பாதிக்கப்பட்டோருக்கு நிவாரணம் வழங்க வேண்டும். பொதுமக்கள் மீது தாக்குதல் நடத்திய அலுவலா்களைப் பணி நீக்கம் செய்ய வேண்டும். சட்டப்படி நடவடிக்கை எடுக்க வேண்டும் ஆகிய கோரிக்கைகளை வலியுறுத்தி இப்போராட்டம் நடைபெற்றது.

இதில், கூட்டமைப்பின் தலைவா் முகமது அப்பாஸ், ஒருங்கிணைப்பாளா் பாதுஷா உள்ளிட்டோா் கலந்து கொண்டனா்.

இதேபோல, அதிராம்பட்டினம், அம்மாபேட்டை உள்ளிட்ட இடங்களிலும் ஆா்ப்பாட்டம் நடைபெற்றது.