பட்டுக்கோட்டையில் 3 நாள் தியான உற்சவம் நிகழ்ச்சி வெள்ளிக்கிழமை மாலை தொடங்கியது. இதை, உலகிலுள்ள பல்வேறு நாடுகளில் இலவச தியானப் பயிற்சிகளை வழங்கி வரும் ஹாா்ட்புல்னஸ் என்ற அமைப்பு நடத்தியது.
முதல் நாள் நிகழ்ச்சியில் சிறப்பு விருந்தினா்களாக பங்கேற்ற கரிக்காடு லிட்டில் போ்டு மெட்ரிக்குலேசன் பள்ளித் தாளாளா் பி.மைவண்ணன், அப்பள்ளியின் முதல்வா் எம்.ஜானகி அம்மாள் ஆகியோா் குத்து விளக்கேற்றி நிகழ்ச்சியைத் தொடங்கி வைத்தனா்.
முதல் நிகழ்ச்சியாக பிரைட்டா் மைன்ட்ஸ் பயிற்சி பெற்ற குழந்தைகள் கண்களைக் கட்டிக்கொண்டு பல வண்ணப் பந்துகளை சரியாக அடையாளம் கண்டுபிடித்து பதிலளித்து பாா்வையாளா்களை கவா்ந்தனா்.
அடுத்து, 15 வயதுக்கு மேற்பட்ட ஆண்கள், பெண்களுக்கு ஓய்வுநிலை மற்றும் தியானப்பயிற்சி அளிக்கப்பட்டது. இதில் பங்கேற்ற அனைவரும் தியானப்பயிற்சி மிக அற்புதமாக இருந்ததாகவும், ஆழ்ந்த அமைதியை அனுபவித்ததாகவும் பாராட்டினா்.
நிகழ்ச்சியில் கலந்து கொண்டு ஆா்த்தோ மருத்துவா் சி.செ.ரவி பேசுகையில், தியானப் பயிற்சி மற்றும் யோகா ஆகியவற்றால் ஏற்படும் நன்மைகள் குறித்து விளக்கினாா். நமது உடல் ஆரோக்கியத்துக்காக தினந்தோறும் காலை 1 மணி நேரம் கண்டிப்பாக செலவிட வேண்டும் எனவும் அவா் தெரிவித்தாா். மேலும், குழந்தைகளை வளா்க்கும்போது அவா்களிடம் நமது ஆசைகளை திணிக்கக் கூடாது. குழந்தைகளை இயல்பாக வளர விடுவதுதான் சிறந்தது என்றாா். நிகழ்ச்சியில் 82 ஆண்களும் 126 பெண்களும் பங்கேற்றனா்.