சிறுமியை திருமணம் செய்த இளைஞா் கைது

தஞ்சாவூா் அருகே சிறுமியைத் திருமணம் செய்ததாக இளைஞரை போலீஸாா் வியாழக்கிழமை கைது செய்தனா்.

தஞ்சாவூா் விளாா் சாலை இந்திரா நகரைச் சோ்ந்தவா் ஆா். தினேஷ் (20). சுமை வேன் ஓட்டுநா். இவா் புன்னைநல்லூா் மாரியம்மன் கோயிலில் மாா்ச் 18-ம் தேதி 17 வயது சிறுமியை திருமணம் செய்து கொண்டாா்.

இதுகுறித்து அச்சிறுமியின் தந்தை அளித்த புகாரின் பேரில் தாலுகா போலீஸாா் போக்சோ உள்ளிட்ட சட்டப் பிரிவுகளின் கீழ் வழக்குப் பதிந்து தினேசை வியாழக்கிழமை கைது செய்தனா்.