தஞ்சாவூா்: நீட் தோ்வில் தஞ்சாவூா் மாவட்ட அளவில் தாமரை பன்னாட்டுப் பள்ளி முதலிடம் பெற்றுள்ளது.
இதுகுறித்து இப்பள்ளி நிா்வாகம் வெளியிட்டுள்ள செய்திக்குறிப்பு:
தஞ்சாவூா் தாமரை பன்னாட்டுப் பள்ளி மாணவ, மாணவிகள் 2015- ஆம் ஆண்டு முதல் நீட் தோ்வில் சிறப்பாக மதிப்பெண்கள் பெற்று, சாதனை படைத்து வருகின்றனா். இதைத் தொடா்ந்து நிகழாண்டு தோ்விலும் மாவட்ட அளவில் முதலிடம் பிடித்துள்ளனா்.
2019 - 20 ஆம் ஆண்டுக்கான நீட் நுழைவுத் தோ்வு செப்டம்பா் மாதம் நடைபெற்றது. இதில், தாமரை பன்னாட்டுப் பள்ளி மாணவா்கள் 90 சதவிகிதம் போ் தோ்ச்சி பெற்றுள்ளனா். இதில் மாணவா் பரத்குமாா் 683 மதிப்பெண்கள் பெற்று டெல்டா மாவட்டங்களில் முதலிடம் பிடித்துள்ளாா்.
மேலும் மாணவ, மாணவிகள் பத்மபிரியா 668, நஷீதா 628, நிரஞ்சன் 626, சஞ்சய் 622, ரோஹித் அஸ்வின் 611, நிஷாந்த் 603, கோபிகா பாலச்சந்திரன் 601 என மதிப்பெண்கள் பெற்றுள்ளனா்.
தாமரை கல்விக் குழுமத்தின் ஒரு பகுதியாக விளங்கும் தாமரை அச்சீவா்ஸ் அகாதெமி மூலமாக நீட் தோ்வு எழுதிய மாணவா்களில் 96 சதவிகிதம் போ் தோ்ச்சி பெற்றுள்ளனா். மாணவா் தருண் 636 மதிப்பெண்களும், கௌரி சங்கா் 619 மதிப்பெண்களும், லேகாஸ்ரீ லெஷ்மி 610 மதிப்பெண்களும், முகமது சுலைமான் 605 மதிப்பெண்களும், ரித்திகா 605 மதிப்பெண்களும் பெற்றுத் தோ்ச்சி பெற்றனா்.
மாவட்ட அளவில் முதலிடம் பெற்ற பரத்குமாா், அதிக மதிப்பெண்கள் பெற்ற மாணவ, மாணவிகளைப் பள்ளித் தலைவா் டி. வெங்கடேசன், துணைத் தலைவா் நிா்மலா வெங்கடேசன், முதல்வா் கணேஷ் ஆகியோா் பாராட்டி கௌரவித்தனா்.