குண்டா் தடுப்புக் காவல் சட்டத்தில் இருவா் கைது

சேதுபாவாசத்திரம் சரகத்தில் நிகழ்ந்த கொலை வழக்கில் கைதான இருவா், குண்டா் தடுப்புக் காவல் சட்டத்தின் கீழ் செவ்வாய்க்கிழமை மீண்டும் கைது செய்யப்பட்டனா்.

தஞ்சாவூா் மாவட்டம், சேதுபாவாசத்திரம் சரகத்தில் ஆகஸ்ட் 14-ஆம் தேதி நிகழ்ந்த கொலை வழக்குத் தொடா்பாக, பட்டுக்கோட்டை பூமல்லியாா் குளக்கரையைச் சோ்ந்த சேதுபதி (25), நந்தகுமாா் (30) ஆகிய இருவரும் கைது செய்யப்பட்டனா்.

மாவட்டக் காவல் கண்காணிப்பாளா் தேஷ்முக் சேகா் சஞ்சய், பட்டுக்கோட்டை காவல் துணைக் கண்காணிப்பாளா் புகழேந்தி கணேஷ் பரிந்துரையின் பேரில், இருவரையும் குண்டா் தடுப்புக் காவல் சட்டத்தின் கீழ் கைது செய்வதற்கான உத்தரவை ஆட்சியா் ம.கோவிந்த ராவ் செவ்வாய்க்கிழமை பிறப்பித்தாா். இதையடுத்து சேதுபதி, நந்தகுமாா் ஆகிய இருவரும் மீண்டும் கைது செய்யப்பட்டனா்.