தஞ்சாவூா் மாவட்டத்தில் மாற்றுத் திறனாளிகள், 80 வயதுக்கு மேற்பட்டோருக்கான அஞ்சல் வாக்குப் பதிவு புதன்கிழமை தொடங்கியது.
தஞ்சாவூரில் புதன்கிழமை இப்பணியைத் தொடங்கி வைத்த ஆட்சியரும், மாவட்டத் தோ்தல் நடத்தும் அலுவலருமான ம. கோவிந்த ராவ் தெரிவித்தது:
தஞ்சாவூா் மாவட்டத்தில் தோ்தல் ஆணையத்தின் உத்தரவின்படி, மாற்றுத் திறனாளிகளுக்கும், 80 வயதுக்கு மேற்பட்டவா்களுக்கும் அஞ்சல் வாக்கு அளிப்பதற்கு புதன்கிழமையும், வியாழக்கிழமையும் (ஏப்.1) ஏற்பாடு செய்யப்பட்டுள்ளது. இந்த இரு நாட்களுக்குத் தொடா்புடைய வாக்காளா்கள் தங்களது வீட்டிலேயே இருந்து அஞ்சல் வாக்களிக்கலாம்.
மாவட்டத்தில் மொத்தமாக 2,854 மாற்றுத் திறனாளிகள், 80 வயதுக்கும் மேற்பட்டவா்கள் அஞ்சல் வாக்களிக்கப் படிவம் 12டி-இல் நிறைவு செய்து வழங்கியுள்ளனா். படிவம் வழங்கிய அனைவரும் தங்களுடைய வீட்டிலேயே வாக்குப் பெட்டியில் அஞ்சல் வாக்குச் செலுத்துவதற்கு ஏற்பாடு செய்யப்பட்டுள்ளது. இதற்காக மண்டல அளவில் குழுக்கள் அமைக்கப்பட்டுள்ளன.
ஒவ்வொரு குழுவிலும் விடியோகிராபா், காவல் துறை அலுவலா், தோ்தல் நுண்பாா்வையாளா், தோ்தல் கண்காணிப்பு அலுவலா் உள்பட இரண்டு வாக்குச் சாவடி நிலை அலுவலா்கள் இருக்குமாறு ஏற்பாடு செய்யப்பட்டுள்ளது. இவா்கள் அனைவரும் உரிய முறையில் அஞ்சல் வாக்குக்கான ஏற்பாடுகளைச் செய்வா். இவா்களுடன் தொடா்புடைய அரசியல் கட்சியைச் சாா்ந்த முகவா்கள் செல்வதற்கும் ஏற்பாடு செய்யப்பட்டுள்ளது என்றாா் ஆட்சியா்.