பெட்ரோலிய பொருள்கள் விலை உயா்வைக் கண்டித்துதேமுதிக ஆா்ப்பாட்டம்

தஞ்சாவூா்: பெட்ரோலிய பொருள்களின் விலை உயா்வைக் கண்டித்து தஞ்சாவூா் ரயிலடியில் தேமுதிகவினா் திங்கள்கிழமை ஆா்ப்பாட்டத்தில் ஈடுபட்டனா்.

இதில், பெட்ரோல், டீசல், சமையல் எரிவாயு உள்ளிட்ட பொருள்களின் விலை உயா்வைக் கட்டுப்படுத்த வேண்டும். தமிழகத்தில் ஹைட்ரோ காா்பன் திட்டத்தைக் கைவிட வேண்டும்.

கரோனா தொற்று பரவல் காரணமாக டாஸ்மாக் கடைகளை மூட வேண்டும். கட்டுமானப் பொருட்கள், அத்தியாவசியப் பொருட்களின் விலை உயா்வால் பொதுமக்கள் கடுமையாகப் பாதிக்கப்படுவதால், விலை உயா்வைக் கட்டுப்படுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. மேலும், விலை உயா்வை உணா்த்தும் வகையில் சமையல் எரிவாயு உருளைக்கு மாலை அணிவிக்கப்பட்டது.

இந்த ஆா்ப்பாட்டத்துக்கு தேமுதிக மாநகர மாவட்டச் செயலா் ப. ராமநாதன் தலைமை வகித்தாா். மாநில மாணவரணி செயலா் ஏ.எம்.ஜி. விஜயகுமாா், மாவட்டச் செயலா்கள் வி.எஸ்.கே. பழனிவேல், கோ. சங்கா், உயா்மட்ட குழு உறுப்பினா் முகமது அலி, மாநில நெசவாளா் அணி துணைச் செயலா் பூபேஷ்குமாா், மாநிலப் பொறியாளா் அணி துணைச் செயலா் சுகுமாா், தலைமைப் பொதுக்குழு உறுப்பினா் குடந்தை எஸ். அன்பு உள்ளிட்டோா் கலந்து கொண்டனா்.