Enable Javscript for better performance
Prime Minister's Housing Scheme, Jal Jeevan Scheme Abuse Rural Development Department Officers Assoc- Dinamani

சுடச்சுட

    பிரதமரின் குடியிருப்புத் திட்டம், ஜல் ஜீவன் திட்டத்தில் முறைகேடு ஊரக வளா்ச்சித் துறை அலுவலா்கள் சங்கம் புகாா்

    By DIN  |   Published on : 17th July 2021 11:37 PM  |   அ+அ அ-   |    |  

    ta17rura073342

    தஞ்சாவூரில் சனிக்கிழமை நடைபெற்ற கூட்டத்தில் பேசுகிறாா் தமிழ்நாடு ஊரக வளா்ச்சித் துறை அலுவலா் சங்கத்தின் மாவட்டச் செயலா் கை.கோவிந்தராஜன்.

    பிரதமரின் குடியிருப்புத் திட்டம், ஜல் ஜீவன் திட்டத்தில் முறைகேடுகள் நிகழ்ந்துள்ளன என்று, தமிழ்நாடு ஊரக வளா்ச்சித் துறை அலுவலா் சங்கத்தினா் புகாா் எழுப்பியுள்ளனா்.

    தஞ்சாவூா் பனகல் கட்டட வளாகத்திலுள்ள ஒன்றியக்குழுக் கூட்ட அரங்கில் இச்சங்கத்தின் மாவட்டச் செயற்குழுக் கூட்டம் சனிக்கிழமை மாலை நடைபெற்றது. இதில் நிறைவேற்றப்பட்ட தீா்மானங்கள் குறித்து மாவட்டச் செயலா் கை. கோவிந்தராஜன் செய்தியாளா்களிடம் தெரிவித்தது:

    பிரதமரின் குடியிருப்புத் திட்டத்தின் கீழ் தஞ்சாவூா் மாவட்டத்துக்கு 2016 - 17 முதல் 2018 - 19 ஆம் ஆண்டு வரை 20,265 வீடுகள் அரசால் ஒதுக்கீடு செய்யப்பட்டன. பயனாளிகளின் ஏழ்மை நிலை, விருப்பமின்மை, வீடு கட்டுமானப் பணிகளில் ஏற்பட்ட இடா்பாடுகள், பிரச்னைகளுக்குத் தீா்வு காணாமல் பயனாளிகளுக்குத் தவணை நிதிகளை விடுவிக்கச் சொல்லி உயா் அலுவலா்கள் கொடுத்த நெருக்கடிகள் உள்ளிட்ட காரணங்களால், அனுமதியளிக்கப்பட்ட வீடுகளில் சுமாா் 30 சதவிகிதம் வீடுகளுக்கான கட்டுமானப் பணிகள் தேக்க நிலையில் உள்ளன.

    இத்திட்டச் செயலாக்கத்தில் ஏற்பட்டுள்ள தேக்க நிலையைக் களைந்து, வெற்றிகரமாகச் செயல்படுத்த நடவடிக்கை மேற்கொள்ள வேண்டும். இத்திட்டத்தில் அனுமதியளிக்கப்பட்ட வீடுகளின் உண்மை நிலையை உதவி இயக்குநா், உதவிச் செயற்பொறியாளா்கள் நிலை அலுவலா் தலைமையில் குழு அமைத்து கள ஆய்வு செய்து, பணி முடிக்கப்படாத அனைத்து வீடுகளுக்கும் கூடுதல் நிதி ரூ. 70,000 வழங்குவதற்குப் பரிந்துரை செய்ய வேண்டும்.

    மாவட்டத்தில் 2020 - 21 ஆம் ஆண்டுக்கான ஜல் ஜீவன் இயக்கத் திட்டத்தில் பணிகளைத் தோ்வு செய்தது, திட்ட மதிப்பீடுகள் தயாரித்தது, பணிகளைத் தொகுப்புகளாகப் பிரித்தது உள்ளிட்ட எந்த நடவடிக்கைகளிலும், எந்த நிலையிலும் வட்டார வளா்ச்சி அலுவலா்களைக் கலந்தாலோசிக்கவில்லை.

    இத்திட்டத்துக்கான ஒப்பந்தப்புள்ள நடவடிக்கைகள் அனைத்தும் ரகசியமாக, திரைமறைவாக மாவட்ட ஊரக வளா்ச்சி முகைமையில் நடைபெற்றன. தமிழ்நாடு வெளிப்படையான ஒப்பந்தப்புள்ளிகள் சட்டத்தின் விதிமுறைகள் எதுவும் பின்பற்றப்படவில்லை.

    எனவே, மாவட்டத்தில் ஜல் ஜீவன் இயக்கக் குடிநீா் திட்டப் பணிகளில் நிகழ்ந்துள்ள முறைகேடுகளை முழுமையாக விசாரணை, கள ஆய்வுகள் மேற்கொண்டு உரிய நடவடிக்கைகள் எடுக்க வேண்டும். இத்திட்டத்துக்காகப் பொதுமக்களிடமிருந்து வசூல் செய்யப்பட வேண்டிய 10 சதவிகித பங்குத் தொகையை வசூல் செய்வதை தற்காலிகமாக நிறுத்தி வைக்க வேண்டும் என்றாா் கோவிந்தராஜன்.

    இக்கூட்டத்துக்குச் சங்கத்தின் மாவட்டத் தலைவா் ராஜன் தலைமை வகித்தாா். பொருளாளா் தேசிங்குராஜா, துணைத் தலைவா் செல்வேந்திரன், முன்னாள் செயலா் உ. ராகவன் உள்ளிட்டோா் கலந்து கொண்டனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp