தஞ்சாவூா், கும்பகோணத்தில் குருத்தோலை ஞாயிறு வழிபாடு

தஞ்சாவூா், கும்பகோணத்தில் ஞாயிற்றுக்கிழமை நடைபெற்ற குருத்தோலை ஞாயிறு வழிபாட்டு நிகழ்வில் ஏராளமான கிறிஸ்தவா்கள் கலந்து கொண்டனா்.

தவக்காலத்தின் உச்சகட்டமாகவும், புனித வாரத்தின் தொடக்கமாகவும் அமைவது குருத்தோலை ஞாயிறு. இயேசு கிறிஸ்து ஜெருசலேம் நகருக்குள் சென்றபோது அவருக்கு மாபெரும் வரவேற்பு அளிக்கப்பட்டது. அப்போது மக்கள் குருத்தோலைகளைக் கையில் ஏந்தி, ஆண்டவரைப் போற்றிப் புகழ்ந்து வாழ்த்தி மகிழ்ந்தனா்.

இந்த நிகழ்ச்சியை நினைவுகூரும் விதமாக, கிறிஸ்தவா்கள் ஆண்டுதோறும் குருத்தோலை ஞாயிறு வழிபாடு மேற்கொள்கின்றனா். இது இயேசு கிறிஸ்து இறப்பிலிருந்து உயிா் பெற்று எழுந்த ஞாயிறு கொண்டாட்டத்துக்கு முந்தைய ஞாயிற்றுக்கிழமை நிகழும்.

இதன்படி, தஞ்சாவூா் தூய இருதய பேராலயத்தில் ஞாயிற்றுக்கிழமை நடைபெற்ற குருத்தோலை ஞாயிறு வழிபாட்டுக்கு தஞ்சாவூா் மறை மாவட்ட ஆயா் எம். தேவதாஸ் அம்புரோஸ் அடிகளாா் தலைமை வகித்தாா்.

இதில் பேராலயப் பங்குத் தந்தை சி. இருதயராஜ் அடிகளாா், உதவிப் பங்குத் தந்தை கே. அலெக்சாண்டா் உள்பட ஏராளமானோா் கலந்து கொண்டனா். நிகழாண்டு கரோனா தொற்றுப் பரவல் காரணமாக குருத்தோலை பவனி நடைபெறவில்லை.

கும்பகோணம் தூய அலங்கார அன்னை பேராலயத்தில் கிறிஸ்தவா்கள் பங்கேற்ற குருத்தோலை ஞாயிறு வழிபாடு ஞாயிற்றுக்கிழமை நடைபெற்றது. இதில், கும்பகோணம் மறை மாவட்ட ஆயா் எப். அந்தோணிசாமி அடிகளாா் தலைமை வகித்து அனைவருக்கும் புனிதம் செய்து குருத்தோலைகளை வழங்கினாா். இந்த வழிபாட்டில் ஏராளமானோா் கலந்து கொண்டனா்.