தஞ்சாவூா் மாவட்டம், திருக்காட்டுப்பள்ளியில் பெண் மா்மமான முறையில் இறந்த சம்பவம் தொடா்பாக உறவினா்கள் செவ்வாய்க்கிழமை சாலை மறியல் போராட்டத்தில் ஈடுபட்டனா்.
திருக்காட்டுப்பள்ளி அருகேயுள்ள வேலங்குடியைச் சோ்ந்தவா் கல்யாணசுந்தரம் மகள் புவனேஸ்வரி (25). இவருக்கும், திருக்காட்டுப்பள்ளி கோட்டை காளியம்மன் கோயில் தெருவைச் சோ்ந்த கலியமூா்த்தி மகன் ரெங்கராஜூக்கும் 2020, மாா்ச் 26 ஆம் தேதி திருணம் நடைபெற்றது.
திருமணத்துக்குப் பிறகு புவனேஸ்வரிக்கும், மாமியாா் சுமதிக்கும் இடையே கருத்து வேறுபாடு காரணமாக தகராறு ஏற்பட்டு வந்தது. இதனால், புவனேஸ்வரியும், ரெங்கராஜூம் திருக்காட்டுப்பள்ளி நடுசந்து பகுதியில் தனியாகக் குடி அமா்த்தப்பட்டனா்.
இந்நிலையில், செங்கிப்பட்டியில் உள்ள தனது சகோதரா் வீட்டு விழாவில் பங்கேற்பதற்காக ரெங்கராஜ் மே 2 ஆம் தேதி மாலை சென்றாா். மீண்டும் திங்கள்கிழமை மாலை வீட்டுக்குத் திரும்பிய ரெங்கராஜ், வீட்டில் புவனேஸ்வரி தூக்கிட்ட நிலையில் இறந்து கிடந்ததைப் பாா்த்தாா்.
இதையடுத்து, புவனேஸ்வரியின் உடல் பிரேதப் பரிசோதனைக்காகத் திருக்காட்டுப்பள்ளி அரசு மருத்துவமனைக்குக் கொண்டு செல்லப்பட்டது.
இதுதொடா்பாக திருக்காட்டுப்பள்ளி காவல் நிலையத்தில் புவனேஸ்வரியின் தந்தை கல்யாணசுந்தரம் அளித்த புகாரில், மகளிடம் அவரது கணவா், மாமனாா், மாமியாா் வரதட்சிணை கேட்டு துன்புறுத்தியதாகவும், அவரது சாவில் சந்தேகம் இருப்பதாகவும், கணவா் ரெங்கராஜ், மாமனாா் கலியமூா்த்தி, மாமியாா் சுமதி ஆகியோரை கைது செய்ய வேண்டும் எனவும் தெரிவித்துள்ளாா்.
இதன்பேரில், திருக்காட்டுப்பள்ளி காவல் நிலையத்தினா் வழக்குப் பதிந்து விசாரணை மேற்கொண்டுள்ளனா். புவனேஸ்வரிக்கு திருமணமாகி ஓராண்டு மட்டுமே முடிந்துள்ளதால், அவரது சாவு குறித்து தஞ்சாவூா் கோட்டாட்சியா் எம். வேலுமணி தனி விசாரணை மேற்கொண்டுள்ளாா்.
உறவினா்கள் மறியல்: இதனிடையே, ரெங்கராஜ், கலியமூா்த்தி, சுமதி ஆகியோரை கைது செய்ய வலியுறுத்தி புவனேஸ்வரியின் உறவினா்கள் திருக்காட்டுப்பள்ளி அரசு மருத்துவமனை முன் மறியலில் ஈடுபட்டனா். இதனால், அப்பகுதியில் சுமாா் 10 நிமிடங்கள் போக்குவரத்து பாதிக்கப்பட்டது. இவா்களிடம் காவல் துறையினா் பேச்சுவாா்த்தை நடத்தி அனுப்பி வைத்தனா். இதையடுத்து, ரெங்கராஜ் விசாரணைக்காக காவல் நிலையத்துக்கு அழைத்துச் செல்லப்பட்டாா்.
பிரேதப் பரிசோதனைக்கு பிறகு புவனேஸ்வரியின் உடலை உறவினா்கள் பெற்றுச் சென்றனா்.