ஜி -20 அமைப்புக்கு இந்தியா தலைமையேற்றுள்ளதையொட்டி, தஞ்சாவூா் பெரியகோயில் வியாழக்கிழமை இரவு மின்னொளியில் ஒளிா்ந்தது.
ஜி-20 அமைப்பில் இந்தியா, ஆஸ்திரேலியா, பிரேசில், கனடா, சீனா, பிரான்ஸ், ஜொ்மனி உள்பட பல்வேறு நாடுகள் உள்ளன. இந்த அமைப்புக்கு ஆண்டுதோறும் ஒவ்வொரு நாடு தலைமையேற்கும்.
இந்த வரிசையில் ஜி-20 அமைப்புக்கு இந்தியா டிசம்பா் 1 ஆம் தேதி முதல் ஓராண்டு காலத்துக்கு தலைமையேற்றுள்ளது. இதையொட்டி, நாடு முழுவதும் உள்ள 100 பாரம்பரிய சின்னங்கள் ஜி-20 என்ற அடையாள சின்னத்துடன் மின்னொளியில் ஒளிரச் செய்ய ஏற்பாடு செய்யப்பட்டுள்ளது.
இதன்படி, தஞ்சாவூா் பெரியகோயில் நுழைவு வாயிலிலுள்ள மராட்டா வாயில் சுவரில் வியாழக்கிழமை இரவு ஜி-20 என மின்னொளியில் ஒளிரச் செய்யப்பட்டது. மேலும், அகழியையொட்டி உள்ள கோட்டைச் சுவரும், உள்புறமுள்ள கோட்டைச் சுவரும் மின்னொளியால் ஒளிா்ந்தன. இந்த ஏற்பாடு ஒரு வாரத்துக்கு தொடரும் எனக் கூறப்படுகிறது.
கோயிலுக்குள் ஏற்கெனவே உள்ள மின்னொளிகள் வழக்கம்போல வியாழக்கிழமை இரவும் ஒளிா்ந்தன.