மருதுபாண்டியா் கல்லூரியில் தொழில் நெறி வழிகாட்டு நிகழ்ச்சி

தஞ்சாவூா் மருதுபாண்டியா் கல்லூரியில் மாவட்ட வேலைவாய்ப்பு அலுவலகம் சாா்பில் தொழில் நெறி வழிகாட்டு நிகழ்ச்சி வியாழக்கிழமை நடைபெற்றது.

இந்நிகழ்ச்சிக்கு மருதுபாண்டியா் கல்வி நிறுவனங்களின் தலைவா் கொ. மருதுபாண்டியன் தலைமை வகித்தாா். மருதுபாண்டியா் கல்லூரி முதல்வா் மா. விஜயா, துணை முதல்வா் ரா. தங்கராஜ் வாழ்த்துரையாற்றினா்.

மாவட்ட வேலைவாய்ப்பு அலுவலகத் துணை இயக்குநா் எஸ். ரமேஷ்குமாா், இளநிலை அலுவலா் ஜி. குழந்தைவேலு சிறப்புரையாற்றினா்.

முன்னதாக, உயிா் தொழில்நுட்பவியல் துறைத் தலைவா் இரா. இராஜகுமாா் வரவேற்றாா். நிறைவாக, தமிழ்த் துறைத் தலைவா் வீ. வெற்றிவேல் நன்றி கூறினாா். விழாவுக்கான ஏற்பாடுகளை கல்லூரி மேலாளா் இரா. கண்ணன் செய்தாா்.