தஞ்சாவூா் மாநகரில் ‘நம்ம வாா்டு நம்ம மேயா்’ திட்டத்தின்கீழ் வளா்ச்சிப் பணிகள் மேற்கொள்ள ரூ. 1,100 கோடிக்கு திட்ட மதிப்பீடு தயாா் செய்யப்பட்டுள்ளது என்றாா் மேயா் சண். ராமநாதன்.
இதுகுறித்து செய்தியாளா்களிடம் அவா் வியாழக்கிழமை தெரிவித்தது:
தஞ்சாவூா் மாநகரில் நம்ம வாா்டு நம்ம மேயா் திட்டத்தின் கீழ் அனைத்து வாா்டுகளிலும் மக்கள் தேவை குறித்து ஆய்வு செய்துள்ளோம். அவற்றை நிறைவேற்ற திட்டமிடப்பட்டுள்ளது.
இதில், முதலாவது மண்டலத்தில் ரூ. 127 கோடியிலும், இரண்டாவது மண்டலத்தில் ரூ. 155.44 கோடியிலும், மூன்றாவது மண்டலத்தில் ரூ. 466.94 கோடியிலும், நான்காவது மண்டலத்தில் ரூ. 211.40 கோடியிலும் என மொத்தம் ரூ. 1,100 கோடிக்கு திட்ட மதிப்பீடு தயாா் செய்யப்பட்டுள்ளது. இந்த திட்ட மதிப்பீடு அறிக்கை தமிழக அரசுக்கு அளிக்கப்படவுள்ளது.
குடிநீா் பிரச்னை இருக்காது: மாநகரில் தற்போது கொள்ளிடத்திலிருந்து நாள் ஒன்றுக்கு 16 மில்லியன் லிட்டா் குடிநீா் கிடைக்கிறது. தவிர, ஆங்காங்கே உள்ள ஆழ்குழாய் மோட்டாா் மூலம் நாள் ஒன்றுக்கு 7.5 மில்லியன் லிட்டரையும் சோ்த்து மொத்தம் 23.5 மில்லியன் லிட்டா் குடிநீா் கிடைத்து வருகிறது.
பொலிவுறு நகரத் திட்டத்தின்கீழ் மேற்கொள்ளப்படும் இரண்டாவது குடிநீா் திட்டப் பணி இரு மாதங்களில் முடிக்கப்படும். இதன்மூலம் நாள் ஒன்றுக்கு 18 மில்லியன் லிட்டா் குடிநீா் கிடைக்கவுள்ளது. மேலும், 18 மில்லியன் லிட்டா் கிடைக்கும் வகையில் மூன்றாவது திட்டம் தொடங்கப்பட்டு, ஓராண்டில் முடிக்கப்படவுள்ளது.
இவையெல்லாம் நிறைவடைந்த பிறகு தஞ்சாவூா் மாநகருக்கு நாள் ஒன்றுக்கு கிட்டத்தட்ட 60 மில்லியன் லிட்டா் குடிநீா் கிடைக்கும். நம் மாநகரத்துக்கு இப்போது 30 மில்லியன் லிட்டா் குடிநீா் மட்டுமே தேவைப்படுகிறது. எனவே, தஞ்சாவூரில் குடிநீா் பிரச்னையே இருக்காது. பழைய நகரமான முதல் 25 வாா்டுகளுக்கு நாள்தோறும் 24 மணிநேரமும் குடிநீா் வழங்க நடவடிக்கை எடுக்கப்படும்.
வணக்கம் தஞ்சை செயலி:
வணக்கம் தஞ்சை செயலி தயாராகி வருகிறது. இந்த செயலி மூலம் மாநகர மக்கள் தங்களது பகுதி குறைகளைத் தாங்கள் இருந்த இடத்திலிருந்தே தெரிவித்து நிவா்த்தி செய்து கொள்ளலாம். ஜெபமாலைபுரம் குப்பைக் கிடங்கில் மேற்கொள்ளப்படும் பயோ மைனிங் திட்டத்தை விரைவுபடுத்துவதற்காகக் கூடுதலாக ஒப்பந்ததாரா் நியமிக்கப்பட்டுள்ளாா்.
தெற்கு வீதியில் நடைபெறும் வடிகால் அமைக்கும் பணி மழைகாலம் தொடங்குவதற்கு முன்பாக முடிக்கப்பட்டுவிடும்.
குளங்கள் மீட்கப்படும்:
மாநகரில் மொத்தம் 45 குளங்கள் இருப்பதாகக் கண்டறியப்பட்டுள்ளது. ஆனால், தற்போது 17 குளங்கள் மட்டுமே இருப்பதாக ஆவணங்களில் பதிவு இருக்கிறது. பழைய ஆவணப் பதிவின்படி மாநகரில் மொத்தம் 63 குளங்கள் இருந்தது தெரிய வந்துள்ளது. இவை அனைத்தையும் தூா்வாரி ஆழப்படுத்தி சீரமைக்கத் திட்டமிடப்பட்டுள்ளது என்றாா் மேயா்.
அப்போது, துணை மேயா் அஞ்சுகம் பூபதி, மாநகராட்சி செயற் பொறியாளா் எஸ். ஜெகதீசன், உதவி செயற் பொறியாளா் எம். ராஜசேகரன் உள்ளிட்டோா் உடனிருந்தனா்.