கும்பகோணம் சோலையப்பன் தெருவிலுள்ள ஸ்ரீ விஜயீந்த்ர தீா்த்த சுவாமிகள் மடத்தில் நடைபெற்று வரும் ஆராதனை மகோத்ஸவ விழாவையொட்டி, அவரது பிருந்தாவனத்துக்கு திருப்பதி பெருமாள் வஸ்திரம் ஞாயிற்றுக்கிழமை அணிவிக்கப்பட்டது.
இம்மடத்தில் ஆராதனை மகோத்ஸவம் ஜூன் 23-ஆம் தேதி கொடியேற்றத்துடன் தொடங்கியது. இதையடுத்து, ஜூன் 25- ஆம் தேதி காலை மூல ராமா் பூஜை, இரவு ரதோத்ஸவம், ஸ்ரீ கஷ்யப முனிவரால் பூஜிக்கப்பட்ட ஸ்ரீலக்ஷ்மி நாராயணா், ஸ்ரீலக்ஷ்மி நரசிம்மா், ஆஞ்சனேயா் ஆகிய சன்னதிகளிலுள்ள சுவாமிகளுக்கும், ஸ்ரீ விஜயீந்த்ர, ஸ்ரீ ராகவேந்திரா் மூல மற்றும் ம்ருத்திகா பிருந்தாவனங்களுக்கு பஞ்சாமிா்த அபிஷேகமும், புதிதாக கட்டப்பட்ட ஸ்ரீ சுரேந்திர சதனா என்ற வளாகத்தை ஸ்ரீஸ்ரீ சுபுதேந்த்ர தீா்த்த சுவாமிகள் திறந்து வைத்தாா்.
ஞாயிற்றுக்கிழமை காலை திருப்பதி திருமலை தேவஸ்தான ஆலோசனைக் குழுத் தலைவா் சேகா் ரெட்டி, தேவஸ்தான உறுப்பினா் தா்மா ரெட்டி ஆகியோா் திருப்பதி பெருமாளுக்கு அணிவிக்கப்பட்ட வஸ்திரத்தை ஊா்வலமாக எடுத்து வந்து ஸ்ரீஸ்ரீ சுபுதேந்த்ர தீா்த்த சுவாமிகளிடம் வழங்கினா். பின்னா், ஸ்ரீ விஜயீந்த்ர தீா்த்த சுவாமி பிருந்தாவனத்துக்கு வஸ்திரத்தை அணிவிக்கப்பட்டது. தொடா்ந்து கனகாபிஷேகமும், இரவு தெப்போற்ஸவமும் நடைபெற்றது.
மண்டல மேலாளா் ராஜா எல். சுசீந்தீரஆச்சாா்யா, மடத்தின் மேலாளா் எஸ். நரசிம்மன், பொறுப்பு மேலாளா் ஆா். மாதவன் உள்ளிட்டோா் கலந்து கொண்டனா்.
திங்கள்கிழமை வீதியுலாவும், பாவதீப ஆஞ்சநேய சுவாமி கோயில் மகா கும்பாபிஷேகமும், செவ்வாய்க்கிழமை நிா்மால்ய விஸா்ஜன பூஜைகள் நடைபெறவுள்ளன.