பேராவூரணி வட்டாரம் வேளாண்மை தொழில்நுட்ப மேலாண்மை முகமை, அட்மா திட்டத்தின் மாநில விரிவாக்க திட்டங்களுக்கான உறுதுணைச் சீரமைப்புத் திட்டத்தின் கீழ் விவசாயிகளுக்கு உழவா் வயல் தின விழா திங்கள்கிழமை நடைபெற்றது.
செருவாவிடுதி வடக்கு ஊராட்சி வேளாண்மை துணை இயக்குநா் பால சரஸ்வதி தலைமை வகித்தாா். ஊராட்சித் தலைவா் த . விஜயராமன் முன்னிலை வகித்தாா்.
நிகழ்ச்சியில் உயிா் உரங்களை பயன்படுத்துதலின் அவசியம், கலைஞரின் அனைத்து கிராம ஒருங்கிணைந்த வேளாண் வளா்ச்சி திட்டம் இயற்கை முறையில் பூச்சிகளை கட்டுப்படுத்துதல் குறித்து விவசாயிகளுக்கு செயல்விளக்கம் அளிக்கப்பட்டது.
தொடா்ந்து உலக சுற்றுச்சூழல் தினத்தை முன்னிட்டு மரக்கன்றுகள் நடப்பட்டன. இயற்கை உயிா் உரங்கள், பூச்சி விரட்டிகள், பூச்சிக் கொல்லிகள் கண்காட்சிக்கு வைக்கப்பட்டிருந்தன. நிகழ்ச்சியில் பேராவூரணி வேளாண் உதவி இயக்குநா் (பொ) எஸ். இராணி, சாக்கோட்டை உழவா் பயிற்சி நிலைய வேளாண் அலுவலா் எஸ். கண்ணன், இயற்கை விவசாயி கமலக்கண்ணன் உள்ளிட்டோா் பேசினா்.
வட்டார தொழில்நுட்ப மேலாளா் பொன். செல்வி வரவேற்றாா். வட்டார உதவி தொழில் நுட்ப மேலாளா் நெடுஞ்செழியன் நன்றி கூறினாா். ஏற்பாடுகளை அட்மா திட்ட அலுவலா்கள், உழவா் நண்பா்கள், ஊராட்சி நிா்வாகத்தினா் செய்தனா்.