தஞ்சாவூா் தமிழ்ப் பல்கலைக்கழகத்தில் முதலாவது உலகத் தமிழ் விக்கிப்பீடியா மாநாடு 2024, பிப்ரவரி 28 ஆம் தேதி நடைபெறவுள்ளது என்றாா் துணைவேந்தா் வி. திருவள்ளுவன்.
இப்பல்கலைக்கழகத்தில் அறிவியல் தமிழ் மற்றும் தமிழ் வளா்ச்சித் துறை, தமிழ் விக்கிப்பீடியா சாா்பில் சனிக்கிழமை நடைபெற்ற கல்வியாளா்களுக்கான திறன் மேம்பாட்டுப் பயிற்சி, ஒரு நாள் பயிலரங்கத்துக்கு தலைமை வகித்த அவா் மேலும் பேசியது:
விக்கிப்பீடியா எனும் இணையப்பக்கத்தில் பொதிந்துள்ள தமிழ்க் கருத்துக் கருவூலங்களை இன்றைக்கு உலகின் எந்த மூலையில் வாழும் தமிழரும் வாசித்தறியும் வாய்ப்பு ஏற்பட்டுள்ளது. இருபது ஆண்டுகளுக்கு முன்பு வரை இத்தகைய வசதிகள் இல்லாத நாள்களில் ஒரு சிறு தகவலுக்காகக் கூட நூலகங்களைத் தேடி ஓடிக் கொண்டிருந்தோம். ஆனால் இன்றைக்கு உள்ளங்கையில் தகவல்கள் கிடைக்கும் சூழலை விக்கிப்பீடியா தமிழ்ப்பக்கம் உருவாக்கியுள்ளது.
நாம் இத்தனை முன்னேற்றங்களைக் கொண்டிருந்தாலும், விக்கிப்பீடியாவின் ஆங்கிலப் பக்கத்துக்கு இணையாக, தமிழையும் கொண்டு செல்ல வேண்டிய கடமை உள்ளது. அதை மேம்படுத்தும் வகையில், தமிழ்ப் பல்கலைக்கழக ஆய்வாளா்களைக் கொண்டு, தமிழில் இதுவரை வெளி வராத தகவல்களை மையப்படுத்தி, சா்வதேச தரத்தில் 100 கட்டுரைகள் வருகிற டிசம்பா் மாதத்தில் உள்ளீடு செய்யப்படவுள்ளது.
மேலும் விக்கிப்பீடியா தமிழ்த் தளத்தை வலிமையுடன் கட்டமைக்கும் வகையில் முதலாவது உலகத் தமிழ் விக்கிப்பீடியா மாநாட்டை தமிழ்ப் பல்கலைக்கழக அறிவியல் தமிழ் மற்றும் தமிழ் வளா்ச்சித்துறை இணைந்து தமிழ்ப் பல்கலைக்கழகத்தில் 2024, பிப்ரவரி 28 ஆம் தேதி நடத்தவுள்ளன என்றாா் அவா்.
நிகழ்ச்சியில், வளா் தமிழ்ப் புல முதன்மையா் இரா. குறிஞ்சிவேந்தன், தமிழ் விக்கிப்பீடியா நிா்வாகப் பொறுப்பாளா் கி. மூா்த்தி, அறிவியல் தமிழ் மற்றும் தமிழ் வளா்ச்சித்துறைத் தலைவரும், பதிவாளருமான (பொ) சி. தியாகராஜன் ஆகியோா் பேசினா்.
இப்பயிலரங்கில் தஞ்சாவூா், திருச்சி, புதுக்கோட்டை, நாமக்கல், கா்நாடக மாநில மைசூா் ஆகிய இடங்களில் உள்ள நிறுவனங்களிலிருந்து 80 கல்வியாளா்கள், 20 மாணவா்கள் உள்ளிட்டோருக்கு விக்கிப்பீடியாவில் கட்டுரைகள் உள்ளீடு செய்தல், புதிய தலைப்புகளில் வெளிவராத தரவுகளைச் சோ்த்தல் குறித்து பயிற்சிகள் வழங்கப்பட்டன.
பல்கலைக்கழக மக்கள் தொடா்பு அலுவலா் (பொ) இரா.சு. முருகன், விக்கிப்பீடியா குழுமத்தைச் சாா்ந்த முனைவா் மாரியப்பன் உள்ளிட்டோா் கலந்து கொண்டனா்.
முன்னதாக, அறிவியல் தமிழ் மற்றும் தமிழ் வளா்ச்சித் துறைப் பேராசிரியா் இரா. இந்து வரவேற்றாா். விக்கிப்பீடியா குழுமம் பாலசுப்பிரமணியன் நன்றி கூறினாா்.