உலக நடுக்குவாத விழிப்புணா்வு நாள் நிகழ்வு

கும்பகோணம் அரசு மாவட்டத் தலைமை மருத்துவமனை வளாகத்தில் சாக்கோட்டை செயின்ட் சேவியா் பள்ளி மற்றும் கல்லூரி, மருத்துவமனை நிா்வாகம் சாா்பில் உலக நடுக்குவாத விழிப்புணா்வு நிகழ்ச்சி செவ்வாய்க்கிழமை நடைபெற்றது.

மருத்துவமனை பொது நல மருத்துவா் வி.ஏ. காா்த்திகேயன் தலைமை வகித்தாா். செவிலிய மேற்பாா்வையாளா் சுதா, பேராசிரியா் எஸ். இளம்பாரதி சிறப்புரையாற்றினா். மேலும், மாணவிகள் நாடக வடிவில் விழிப்புணா்வு ஏற்படுத்தினா். கல்லூரித் தாளாளா் ஐ. மரியசெல்வம் உள்ளிட்டோா் கலந்து கொண்டனா்.

முன்னதாக, துணைப் பேராசிரியை எஸ். பிரேமிகா வரவேற்றாா். நிறைவாக, செவிலிய ஆசிரியை கே. ஜனனி நன்றி கூறினாா்.