திருச்சியில் டிச.29 இல் நாய்கள் கண்காட்சி

திருச்சியில் நடைபெற்று வரும் அரசு பொருள்காட்சியில் டிசம்பர் 29 ஆம் தேதி  பிற்பகல் 4 மணிக்கு நாய்கள் கண்காட்சி நடைபெற இருப்பதாக மாவட்ட ஆட்சியர் கு.ராசாமணி திங்கள்கிழமை தெரிவித்துள்ளார்.
இது குறித்து அவர் விடுத்துள்ள செய்திக் குறிப்பு: திருச்சியில்  பொருள்காட்சி நடைபெற்று வருகிறது. இதில் டிசம்பர் 29 ஆம் தேதி (சனிக்கிழமை) பிற்பகல் 4 மணிக்கு நாய்கள் கண்காட்சி நடைபெறவுள்ளது. மாலை 5 மணிக்கு திருச்சி மாநகர போலீஸார், ரயில்வே மற்றும் விமான நிலைய காவல்துறையினர் நாய்களைக் கொண்டு கீழ்படிதல், தீயிலிருந்து காப்பாற்றுதல், வெடிகுண்டு கண்டறிதல் போன்ற செயல்முறை விளக்கங்களையும் செய்து காட்டவுள்ளனர். மேலும் விபரங்களுக்கு கால்நடை மருத்துவர் மகேஷின் அலைபேசி 94438 36202 அல்லது 79049 37510 என்ற எண்களிலும் தொடர்பு கொண்டு தெரிந்து கொள்ளலாம் எனதெரிவிக்கப்பட்டுள்ளது.
விவசாயிகள் குறைதீர் கூட்டம் ஒத்திவைப்பு: திருச்சி மாவட்ட ஆட்சியர் அலுவலகத்தில் வெள்ளிக்கிழமை நடைபெறவிருந்த விவசாயிகள் குறைதீர்க்கும் நாள் கூட்டம் நிர்வாகக் காரணங்களுக்காக ஜன. 4ஆம் தேதிக்கு ஒத்திவைக்கப்பட்டுள்ளதாக ஆட்சியர் தெரிவித்துள்ளார்.