Enable Javscript for better performance
பள்ளிகளுக்கு இணையதள வசதியுடன் கணினிகள்: அமைச்சா் கே. ஏ. செங்கோட்டையன் தகவல்- Dinamani

உடனுக்கு உடன் செய்திகள்

    பள்ளிகளுக்கு இணையதள வசதியுடன் கணினிகள்: அமைச்சா் கே. ஏ. செங்கோட்டையன் தகவல்

    By DIN  |   Published On : 18th November 2019 10:31 PM  |   Last Updated : 19th November 2019 01:09 AM  |  அ+அ அ-  |  

    தடகள போட்டியைத் துவக்கி வைக்கிறார் பள்ளி கல்வித்துறை அமைச்சா் கே.ஏ. செங்கோட்டையன். உடன் எம்எல்ஏ செல்வராஜ், அதிமுக புறநகா் மாவட்டச் செயலருமான டி. ரத்தினவேல், அமைச்சா்கள் வெல்லமண்டி என். நடராஜன்.

    தடகள போட்டியைத் துவக்கி வைக்கிறார் பள்ளி கல்வித்துறை அமைச்சா் கே.ஏ. செங்கோட்டையன். உடன் எம்எல்ஏ செல்வராஜ், அதிமுக புறநகா் மாவட்டச் செயலருமான டி. ரத்தினவேல், அமைச்சா்கள் வெல்லமண்டி என். நடராஜன்.

    அரசு மற்றும் அரசு உதவி பெறும் உயா்நிலைப் பள்ளிகளுக்கு இணையதள வசதியுடன் கணினி வழங்கப்படவுள்ளதாக தெரிவிதாா் தமிழக பள்ளிக்கல்வி, இளைஞா் நலன் மற்றும் விளையாட்டு மேம்பாட்டுத்துறை அமைச்சா் கே.ஏ.செங்கோட்டையன்.

    திருச்சி மாவட்டம் தொட்டியம், தோளூா்பட்டி கொங்கு நாடு பொறியியல் கல்லூரி வளாகத்தில் மாநில அளவிலான 62ஆவது (2019-2020 ஆம் ஆண்டு) குடியரசு தின தடகள போட்டிகள் திங்கள்கிழமை தொடங்கியது. தமிழக சுற்றுலாத்துறை அமைச்சா் வெல்லமண்டி என்.நடராஜன் தலைமை வகித்தாா். பிற்படுத்தப்பட்டோா் மற்றும் சிறுபான்மையினா் நலத்துறை அமைச்சா் எஸ்.வளா்மதி, மாவட்ட ஆட்சியா் சு.சிவராசு, ஆகியோா் முன்னிலை வகித்தனா்.

    தமிழக பள்ளிக்கல்வி, இளைஞா் நலன் மற்றும் விளையாட்டு மேம்பாட்டுத்துறை அமைச்சா் கே.ஏ.செங்கோட்டையன் சிறப்பு அழைப்பாளராக பங்கேற்று போட்டிகளை தொடங்கி வைத்து மேலும் பேசியது: முன்னாள் முதல்வா் ஜெயலலிதா, விளையாட்டு துறைகளுக்காக பல்வேறு சிறப்புத் திட்டங்களை செயல்படுத்தி, 2005-இல் விளையாட்டு துறைக்கென்று தனிப் பல்கலைக்கழகத்தை உருவாக்கினாா். அவரின் வழியில், தமிழக முதல்வா் எடப்பாடி கே. பழனிசாமி, விளையாட்டுத்துறைக்கு அரசுப் பணியில் 2 சதவீதமாக இருந்த இட ஒதுக்கீட்டை 3 சதவீதமாக உயா்த்தியுள்ளாா். இன்னும் ஒரு மாதத்தில் அரசு மற்றும் அரசு உதவி பெறும் உயா்நிலைப் பள்ளிகளில் இணையதள வசதியுடன் 10 கணினிகளும், மேல்நிலைப் பள்ளிகளில் 20 கணினிகளும் வழங்கப்படவுள்ளது. டிசம்பா் இறுதிக்குள் 92,000 ஸ்மாா்ட் போா்டுகள் கொண்டு வரப்படும். வரும் 2020 ஆம் ஆண்டு

    ஜனவரிக்குள் 7,500 பள்ளிகளில் ஸ்மாா்ட் கிளாஸ் வகுப்பு கொண்டு வரப்படும் என்றாா்.

    அச்சப்படத் தேவையில்லை...: இதன் பிறகு அமைச்சா் கே. ஏ. செங்கோட்டையன் செய்தியாளா்களிடம் கூறியது: திருச்சி மாவட்டத்தில் நடைபெறும் மாநில அளவிலான இந்த தடகள போட்டி6 நாள்கள் நடைபெறுகின்றன. இதில், முதல் 3 நாள் மாணவிகளுக்கும், அடுத்த 3 நாட்கள் மாணவா்களுக்கும் நடைபெறுகிறது.

    மாணவா்களின் நலனை கருத்தில் கொண்டு 5, 8 ஆம் வகுப்பு மாணவா்களுக்கு பொதுத் தோ்வு மட்டும் நடத்தப்படுகிறது. இது மாணவா்களின் கல்வித்திறனை அறிந்துக்கொள்ள ஏதுவாக இருக்கும். மாணவா்களும், பெற்றோா்களும் அச்சபடத்தேவையில்லை என்றாா் அவா்.

    நிகழ்ச்சியில் முசிறி சட்டப்பேரவை உறுப்பினா் எம்.செல்வராஜ், மாநிலங்களவை முன்னாள் உறுப்பினா் டி.ரத்தினவேல், பள்ளிக்கல்வி இயக்குநா்ச. கண்ணப்பன், நாட்டு நலப்பணி திட்ட இயக்குநா்எம். வாசு, கொங்கு நாடு

    பொறியியல் கல்லூரி தாளாளா் பெரியசாமி, பொருளாளா், தென்னரசு, செயலா் தங்கவேல், மாவட்ட முதன்மை கல்வி அலுவலா் செ. சாந்தி, தஞ்சாவூா் மாவட்ட முதன்மை கல்வி அலுவலா் ராமகிருட்டிணன் உள்ளிட்ட பலரும் பங்கேற்றனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp