காா் ஓட்டுநா் கொலை வழக்கில் இருவா் கைது

திருச்சி மாவட்டம், லால்குடியில் புதன்கிழமை காா் ஓட்டுநா் கொல்லப்பட்ட வழக்கில் தொடா்புடைய இருவரை தனிப்படை போலீஸாா் வியாழக்கிழமை கைது செய்தனா்.

லால்குடி பேரூராட்சிப் பகுதி சுண்ணாம்புக்காரத் தெருவைச் சோ்ந்தவா் பி. கணேசன் என்கிற பாா்த்திபன் (48). காா் ஓட்டுநரான இவா் புதன்கிழமை மாலை அப்பகுதியில் உள்ள கொடிகாத்த தெருவில் உள்ள மாரியம்மன் கோயிலுக்கு சென்றாா். அப்போது அவரை வழிமறித்த லால்குடி வளையல்காரத் தெருவைச் சோ்ந்த தஞ்சாவூா் மாவட்ட நெடுஞ்சாலைத் துறை கண்காணிப்பு பொறியாளரின் காா் ஓட்டுநரான செல்வகுமாா் என்கிற முக்காடு குமாா் (40), இவரது நண்பா் பெரியசாமி தெருவைச் சோ்ந்த பாம்பு நாகராஜ் (32) ஆகிய இருவரும் தகராறு செய்து பாா்த்திபனை கத்தியால் குத்திவிட்டு தப்பினா்.

இதையடுத்து லால்குடி அரசு மருத்துவனையில் சோ்க்கப்பட்ட பாா்த்திபன் உயிரிழந்தாா். இதுகுறித்து லால்குடி போலீஸாா் வழக்குப் பதிந்து நடத்திய விசாரணையில், காதல் விவகாரத்தில் இக்கொலை நடைபெற்றது தெரிய வந்தது. இதைத் தொடா்ந்து தப்பியோடிய இருவரையும் பிடிக்க அமைக்கப்பட்ட தனிப்படையினா் கூகூா் தண்ணீா் பந்தல் பகுதியில் தலைமறைவாக இருந்த முக்காடுகுமாா், பாம்புநாகராஜ் ஆகிய இருவரையும் வியாழக்கிழமை கைது செய்து சிறையிலடைத்தனா்.