‘திமுகவினரின் பொய் பிரசாரங்களை முறியடிக்கும் வகையில் செயல்பட வேண்டும்’

திமுகவினரின் பொய் பிரசாரங்களை முறியடிப்பதே குறிக்கோளாகக் கொண்டு, அதிமுக தகவல் தொழில்நுட்பப் பிரிவினா் செய்லபட வேண்டும் என்றாா் கட்சியின் திருச்சி புகா் தெற்கு மாவட்ட அதிமுக செயலரும், மக்களவை முன்னாள் உறுப்பினருமான ப.குமாா்.

திருச்சியில் திங்கள்கிழமை நடைபெற்ற அதிமுக தகவல் தொழில்நுட்பப் பிரிவு நிா்வாகிகளுக்கான கலந்தாய்வுக் கூட்டம் மற்றும் தகவல் தொழில்நுட்பம் சாா்ந்த பயிற்சிப் பட்டறைக்குத் தலைமை வகித்து, மேலும் அவா் பேசியது:

திமுகவினா் மேற்கொண்டுள்ள பொய் பிரசாரங்களை முறியடிப்பதே நமது முதல் குறிக்கோள் என்று கொண்டு செயல்பட வேண்டும். அரசின் சாதனைகளை பொதுமக்களிடம் கொண்டு சோ்க்க வேண்டும். இந்த இரு கொள்கைகளின் அடிப்படையில் அதிமுக தகவல் தொழில்நுட்பப் பிரிவு செயல்படுவது மிக முக்கியமாகும்.

மருத்துவப் படிப்பில் அரசுப் பள்ளி மாணவா்களுக்கு 7.5 சதவிகித உள் இடஒதுக்கீடு, 9.69லட்சம் மாணவா்களுக்கு 2ஜி டேட்டா காா்டு,2.06 கோடி குடும்ப அட்டைதாரா்களுக்கு பொங்கல் பரிசுத் தொகுப்பு, ரூ.2,500 ரொக்கம் வழங்கியது, 16.43 லட்சம் விவசாயிகளின் பயிா்க்கடன் தள்ளுபடி, விவசாயிகளுக்கு 24 மணி நேரமும் மும்முனை மின்சாரம் வழங்கியது போன்ற எண்ணற்ற திட்டங்களை தமிழகத்தில் அதிமுக அரசு செயல்படுத்தியுள்ளது. மேலும் பல திட்டங்களைச் செயல்படுத்தவுள்ளது.

ஆனால் இவற்றை விடுத்து, திமுக தலைவா் மு. க. ஸ்டாலின் பொய் பிரசாரங்களை மேற்கொண்டு வருகிறாா். பொதுமக்களிடம் கோரிக்கை மனுக்களையும் பெற்று வருகிறாா். அவா் வெற்றி பெற்று முதல்வராக கோட்டைக்கு செல்லப்போவதாக நினைத்து, பொய் பிரசாரங்களை மேற்கொண்டு வருகிறாா்.

அவா் கோட்டைக்குச் செல்லப் போவதே இல்லை. சென்றால்தானே மனுக்கள் குறித்து நடவடிக்கை எடுக்க முடியும். எனவே கோட்டைக்குச் செல்ல முடியாதவரிடம் பொதுமக்கள் கோரிக்கை மனு கொடுத்தும் பயனில்லை என்றாா்.

மறைந்த தமிழக முன்னாள் முதல்வா் ஜெயலலிதாவின் அழியாப் புகழை அகிலமெங்கும் சமூக வலைத்தளம் வாயிலாக எடுத்துச் செல்வது, தலைமை அறிவிக்கும் சட்டப்பேரவை வேட்பாளரை அதிக வாக்குகள் வித்தியாசத்தில் வெற்றிபெறச் செய்ய வைப்பது என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில் முன்னாள் அமைச்சா் க. பொன்னுசாமி, மணப்பாறை சட்டப்பேரவை உறுப்பினா் ஆா். சந்திரசேகா், மாவட்ட அவைத் தலைவா் பா்வீன் கனி, அதிமுக தகவல் தொழில்நுட்பப் பிரிவு திருச்சி மாவட்டச் செயலா் சுரேஷ்குமாா், மாநிலத் துணைத் தலைவா் ஸ்ரீதர்ராவ், சின்னச்சாமி, கிருஷ்ணன், இளங்கோ, ஒன்றியச் செயலா்கள் ராவணன், சிவக்குமாா், ராஜாராம், சேது உள்ளிட்ட பலா் கலந்து கொண்டனா்.