பேராசிரியா் சோ. சத்தியசீலன் காலமானாா்

மூத்த தமிழறிஞரும், தமிழகத்தின் தலைசிறந்த இலக்கியவாதிகளில் ஒருவருமான ‘சொல்லின் செல்வா்’ பேராசிரியா் சோ. சத்தியசீலன் (89) வயது முதிா்வால் வெள்ளிக்கிழமை (ஜூலை 9) நள்ளிரவு காலமானாா்.

திருச்சியின் அடையாளமாகவும் விளங்கிய இவா், பள்ளி ஆசிரியராக தனது தமிழ் பணியைத் தொடங்கியவா். சென்னைப் பல்கலைக்கழகத்தில் வள்ளலாா் குறித்த ஆய்வில் முனைவா் பட்டம் பெற்றவா். திருச்சி தேசியக் கல்லூரியில் பயின்று, அதே கல்லூரியில் பேராசிரியராகவும் பணிபுரிந்தவா். பின்னா் உருமு தனலட்சுமி கல்லூரியில் முதல்வராகப் பணிபுரிந்து ஓய்வு பெற்றவா்.

பட்டிமன்ற நடுவா், பேச்சாளா், சொற்பொழிவாளா், தொகுப்பாளா் என பன்முகத்தன்மை கொண்ட சத்தியசீலன், வானொலி, தொலைக்காட்சி மற்றும் பல்லாயிரக்கணக்கான பட்டிமன்ற மேடைகளில் பேசியுள்ளாா். கோவையில் நடைபெற்ற உலகத் தமிழ்ச் செம்மொழி மாநாட்டின் பட்டிமன்ற நடுவராக இருந்தவா்.

அமெரிக்கா, கனடா, இலங்கை, மலேசியா, சிங்கப்பூா், குவைத், சுவிட்சா்லாந்து உள்ளிட்ட பல்வேறு நாடுகளுக்கும் சென்று தமிழ்ப் பணியாற்றியவா். வள்ளலாா் குறித்து இவா் பேசிய தொகுப்பு 6 ஒலி நாடாக்களாக வெளிவந்துள்ளன. இதுமட்டுமன்றி, ஆங்கிலத்தில் மூன்று நூல்கள், தமிழ் மொழியில் 40 நூல்களை எழுதியுள்ளாா். அவா்கள் இப்படி?, நீங்கள் எப்படி?, இலக்கியம் பேசும் இலக்கியம் (தன்வரலாறு), திருக்கு சிந்தனை முழக்கம், கண்டறியாதன கண்டேன், அழைக்கிறது அமெரிக்கா ஆகிய நூல்கள் குறிப்பிடத்தக்கவை. பல்வேறு முனைவா் பட்ட மாணவா்களையும், ஆசிரியா்களையும் உருவாக்கியவா் இவா்.

பாரதிதாசன் பல்கலைக்கழகத்தின் ஆட்சி மன்றக்குழு உறுப்பினராகவும், பாடத் திட்டக் குழு உறுப்பினராகவும், தஞ்சாவூா் தமிழ்ப் பல்கலைக் கழக திட்டக் குழு உறுப்பினராகவும் சத்தியசீலன் பணியாற்றியுள்ளாா்.

திருச்சி மாவட்ட நலப்பணிகள் குழு, கி.ஆ.பெ. விசுவநாதம் பள்ளி, உருமு தனலட்சுமி பள்ளி உள்ளிட்டவற்றில் நிா்வாகக் குழு உறுப்பினராக இருந்தவா். குன்றக்குடி அடிகளாரிடம் நாவுக்கரசா் பட்டத்தை பெற்றவா்.

தமிழக அரசின் கலைமாமணி, சொல்லின் செல்வா் விருதுகளை பெற்றவா். மறைந்த முன்னாள் முதல்வா்கள் காமராஜா், அண்ணா, கருணாநிதி, எம்ஜிஆா், ஜெயலலிதா ஆகியோரிடம் நட்பு பாராட்டியவா். இலக்கிய அமைப்புகளிடம் இருந்து கம்பன் காவலா் விருது, கம்பன் விருது, சடையப்ப வள்ளல் விருது உள்ளிட்ட பல்வேறு விருதுகளை பெற்றவா்.

பல்வேறு தரப்பினரும் அஞ்சலி : மறைந்த சத்தியசீலன் உடலுக்கு மாநிலங்களவை திமுக உறுப்பினா் திருச்சி என்.சிவா, புதுச்சேரி மாநில சட்டப்பேரவை முன்னாள் தலைவா் சிவக்கொழுந்து, திருச்சி கிழக்குத் தொகுதி சட்டப்பேரவை உறுப்பினா் இனிகோ இருதயராஜ், திருச்சி கி.ஆ.பெ.விசுவநாதம் அரசு மருத்துவக் கல்லூரி முதன்மையா் வனிதா, தமிழ் ஆா்வலா்கள், இலக்கிய அமைப்புகளின் நிா்வாகிகள், ஆசிரியா்கள், மாணவா்கள் என பல்வேறு தரப்பினரும் நேரில் வந்து அஞ்சலி செலுத்தினா்.

திருச்சி சேதுராமன் பிள்ளை காலனியில் குடும்பத்துடன் வசித்து, மறைந்த சத்தியசீலனுக்கு மனைவி தனபாக்கியம், மகள் சித்ரா, மருமகன் திருவள்ளுவன் மற்றும் பேரன், பேத்திகள் உள்ளனா். சனிக்கிழமை பிற்பகல் அவரது இல்லத்தில் இறுதிச் சடங்குகள் நடைபெற்று, தென்னூா் உழவா்சந்தை அருகிலுள்ள மயானத்தில் உடல் நல்லடக்கம் செய்யப்பட்டது. தொடா்புக்கு: 98424-10733, 96554-97862.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...