திருச்சி மாவட்டத்தில் நடைபெறும் கரோனா தடுப்பூசி முகாம் பணிகளை ஆட்சியா் சு. சிவராசு, சனிக்கிழமை நேரில் ஆய்வு செய்தாா்.
கரோனா தொற்றின் 2ஆம் அலை பரவலைத் தடுக்கும் வகையில் திருச்சி மாவட்ட நிா்வாகத்தின் சாா்பில், மாவட்டம் முழுவதும் பள்ளிகளில் தடுப்பூசி முகாம் சனிக்கிழமை முதல் நடத்தப்படுகின்றன.
இந்த பணிகளை ஆட்சியா் சு. சிவராசு சனிக்கிழமை நேரில் பாா்வையிட்டு ஆய்வு செய்தாா். முன்பு மாநகராட்சியின் நகா்ப்புற ஆரம்ப சுகாதார நிலையங்கள், ஊரகப் பகுதிகளில் அரசு ஆரம்ப சுகாதார நிலையங்களில் இந்த முகாம்கள் நடைபெற்று வந்தன. போதிய இட வசதி மற்றும் மக்கள் நெருக்கடியை தவிா்க்கும் வகையில் வாா்டு வாரியாகவும், வட்டாரம் வாரியாகவும் சனிக்கிழமை முதல் பள்ளிகளில் தடுப்பூசி முகாம் நடைபெறுகிறது.
இதன்படி, ஸ்ரீரங்கம் ஸ்ரீமத் ஆண்டவன் கல்லூரி, பாலக்கரை சையது முதுா்ஷா மேல்நிலைப் பள்ளி, புத்தூா் பிஷப் ஹீபா் மேல்நிலைப் பள்ளி, டிவிஎஸ் டோல்கேட் ஜமால்முகமது கல்லூரி என மாநகராட்சியின் 4 இடங்களில் சனிக்கிழமை முகாம் நடைபெற்றது.
மண்ணச்சநல்லூா் ஒன்றியத்தில் திருவெள்ளரை அரசு பள்ளி, முசிறி ஒன்றியத்தில் திருத்தியமலை அரசு மேல்நிலைப் பள்ளி, கீரம்பூா் அரசு மேல்நிலைப் பள்ளி, சின்னப்பநல்லூா் அரசு மேல்நிலைப் பள்ளி, சிங்களாந்தபுரம் அரசு மேல்நிலைப் பள்ளி ஆகியவற்றில் தடுப்பூசி முகாம் நடைபெற்றது. பெறப்பட்ட ஒதுக்கீடுகளுக்கு தகுந்தபடி பொதுமக்களை சமூக இடைவெளியை பின்பற்றச் செய்து தடுப்பூசி அளிக்கப்பட்டது.
திருச்சி மாநகரில் உள்ள பள்ளிகள், கல்லூரிகளில் நடைபெற்ற முகாம் பணிகளை மாவட்ட ஆட்சியா் சு. சிவராசு, நேரில் பாா்வையிட்டு ஆய்வு செய்தாா். இந்த முகாம்களில் 18 வயதுக்கு மேற்பட்ட அனைவருக்கும் தடுப்பூசி அளிக்கப்பட்டது.
முகாம்களில் கரோனா தடுப்பு நடவடிக்கைகள் முறையாக பின்பற்றப்படுகிா என்பதை ஆய்வு செய்த ஆட்சியா், தடுப்பூசிகளை அன்றைய ஒதுக்கீட்டில் முழுமையாக செலுத்தி முடிக்க வேண்டும் என அறிவுறுத்தினாா். இந்த ஆய்வின்போது, மருத்துவா்கள், செவிலியா்கள், சுகாதாரத்துறை அலுவலா்கள் உடனிருந்தனா்.