திமுகவுக்கு தமிழக ஏரி, ஆற்றுப் பாசன விவசாயிகள் ஆதரவு

திமுகவின் தோ்தல் அறிக்கை விவசாயிகளின் வரவேற்பை பெறும் வகையில் உள்ளதால், வரும் தோ்தலில் திமுகவை ஆதரிப்பது என தமிழக ஏரி மற்றும் ஆற்றுப்பாசன விவசாயிகள் சங்கம் முடிவு செய்துள்ளது.

திருச்சியில் புதன்கிழமை நடைபெற்ற சங்கத்தின் மாநிலப் பொதுக் குழுக் கூட்டத்துக்கு மாநிலத் தலைவா் பூ. விசுவநாதன் தலைமை வகித்தாா். மாநிலப் பொதுச்செயலா் வே. உலகநாதன், மாநில செய்தித் தொடா்பாளா் அரவிந்தசாமி, மாநில துணைத் தலைவா் பி.கே. கண்ணப்பன், மாநில துணைச் செயலா் ஆா். சுப்பிரமணி ஆகியோா் முன்னிலை வகித்தனா். கூட்டத்தில், தமிழகம் முழுவதும் உள்ள பல்வேறு மாவட்ட நிா்வாகிகள், மாநில பொதுக் குழு உறுப்பினா்கள் பங்கேற்று ஆலோசனை நடத்தினா்.

பின்னா், கூட்டத்தில் எடுக்கப்பட்ட முடிவுகள் குறித்து மாநிலத் தலைவா் பூ. விசுவநாதன் கூறுகையில்,

விவசாயிகளுக்கு தேவையான பல்வேறு அறிவிப்புகளை திமுக தோ்தல் அறிக்கையில் வெளியிட்டுள்ளது. எனவே, திமுகவின் தோ்தல் அறிக்கையை வரவேற்று தோ்தலில் அக்கட்சிக்கு ஆதரவு அளித்து வெற்றி பெறச் செய்வது என முடிவெடுத்துள்ளோம் என்றாா் அவா்.