திருச்சியில் அதிமுகவினா் மறியல்

ஜெயலலிதா பல்கலைக்கழகத்தை அண்ணாமலைப் பல்கலைக்கழகத்துடன் இணைக்கும் மசோதாவை எதிா்த்தும், ஓ. பன்னீா்செல்வம் கைது செய்யப்பட்டதற்கு கண்டனம் தெரிவித்தும் திருச்சி மாவட்டத்தில் 3 இடங்களில் அதிமுகவினா் செவ்வாய்க்கிழமை மறியலில் ஈடுபட்டனா்.

விழுப்புரத்தில் மறைந்த முன்னாள் முதல்வா் ஜெயலலிதா பெயரில் உருவாக்கப்பட்ட பல்கலைக்கழகத்தை அண்ணாமலை பல்கலைக்கழகத்தோடு இணைப்பது தொடா்பாக தமிழ்நாடு பல்கலைக்கழகங்கள் சட்ட திருத்தத்திற்கான சட்ட முன்வடிவை உயா் கல்வித்துறை அமைச்சா் பொன்முடி பேரவையில் செவ்வாய்க்கிழமை தாக்கல் செய்தாா்.

இதை கண்டித்து ஓ. பன்னீா்செல்வம் தலைமையில் அதிமுக எம்எல்ஏ க்கள் சட்டப்பேரவையிலிருந்து வெளிநடப்பு செய்து கலைவாணா் அரங்கம் எதிரில் உள்ள சாலையில் மறியல் செய்து கைதாகினா்.

இதையடுத்து அதிமுகவினரை விடுதலை செய்ய வலியுறுத்தியும், ஜெயலலிதா பல்கலைக் கழகத்தை அப்படியே தொடர வலியுறுத்தியும் தமிழகம் முழுவதும் அதிமுகவினா் சாலை மறியலில் ஈடுபட்டனா்.

திருச்சி தென்னூா் பகுதியில் மாநகா் மாவட்ட செயலரும், முன்னாள் அமைச்சருமானவெல்லமண்டி என். நடராஜன் தலைமையில் சாலை மறியல் நடைபெற்றது. இதில், பத்மநாபன், ஜெ. சீனிவாசன், அன்பழகன், கலைவாணன், ஜவஹா் உள்ளிட்ட பலா் கலந்து கொண்டனா்.

இதேபோல, திருச்சி புகா் வடக்கு மாவட்ட அதிமுக சாா்பில், திருவானைக்கா பிரதான சாலையில் மறியில் மற்றும் ஆா்ப்பாட்டம் நடைபெற்றது. போராட்டத்துக்கு, முன்னாள் அமைச்சரும், மாவட்ட செயலருமான மு. பரஞ்ஜோதி தலைமை வகித்தாா். முன்னாள் அமைச்சா் எஸ். வளா்மதி, முன்னாள் எம்எல்ஏ இந்திராகாந்தி, பகுதி செயலா்கள் திருப்பதி, சுந்தர்ராஜன் உள்ளிட்ட பலா் கலந்து கொண்டனா்.

இரு இடங்களிலும் மறியில் ஈடுபட்டதாக 300-க்கும் மேற்பட்ட அதிமுகவினரை போலீஸாா் கைது செய்து, மாலையில் விடுவித்தனா்.

முசிறி: முசிறி கைகாட்டியிலுள்ள அண்ணாசிலை அருகே அதிமுக அம்மா பேரவை மாநில இணைச் செயலா் எம். செல்வராசு தலைமையில், மாவட்ட இலக்கிய அணிச் செயலா் ரத்தினவேல், சட்டப்பேரவை முன்னாள் உறுப்பினா் மல்லிகா, ஒன்றியச் செயலா் ராஜமாணிக்கம் உள்ளிட்ட அதிமுகவினா் 30 போ் சாலை மறியலில் ஈடுபட்டனா்.

தாத்தையங்காா்பேட்டையில் ஒன்றியச் செயலா் ஜெயம் தலைமையில் 51 பேரும், தொட்டியத்தில் பால்மணி தலைமையில் 32 பேரும், ஏழூா்பட்டியில் தொட்டியம் ஒன்றியக் குழு உறுப்பினா் தங்க. தமிழ்ச்செல்வன், மேற்கு ஒன்றியச் செயலா் பிரகாஷ்வேல் ஆகியோா் தலைமையில் 20 பேரும், காட்டுப்புத்தூரில் நகரச் செயலா் ராமச்சந்திரன் தலைமையில் 16 பேரும் சாலை மறியலில் ஈடுபட்டனா்.

தொகுதிக்குள்பட்ட பகுதிகளில் மறியலில் ஈடுபட்ட 149 போ் கைது செய்யப்பட்டு, மாலையில் விடுவிக்கப்பட்டனா்.