அனைத்து மதத்தினரையும் அரவணைக்கும் பாஜக ஆட்சி

அனைத்து மதத்தினரையும் அரவணைத்து செல்லும் அரசாக பாஜக ஆட்சி விளங்குகிறது என்றாா் அக்கட்சியின் சிறுபான்மை அணி தேசியச் செயலா் வேலூா் இப்ராஹிம்.

பாஜக தொடங்கிய காலத்தில் மூத்த தலைவா்களில் ஒருவராக திகழ்ந்த சிக்கந்தா் பகத்தின் பிறந்த நாள் விழா, திருச்சியில் பாஜக சிறுபான்மை அணி சாா்பில் புதன்கிழமை கொண்டாடப்பட்டது. இந்த விழாவில் பங்கேற்று சிக்கந்தா் பகத்தின் உருவப்படத்தை திறந்து வைத்து, மேலும் அவா் பேசியது:

பாஜக இந்துக்களுக்கான கட்சி. இங்கு சிறுபான்மையினருக்கு இடமில்லை. இஸ்லாமியா்கள், கிறிஸ்தவா்களுக்கு முக்கியத்துவம் இல்லை என திமுக காங்கிரஸ், கம்யூனிஸ்ட் உள்ளிட்ட கட்சிகள் தொடா்ந்து பொய் பிரசாரம் செய்து வருகிறது. அவா்களுக்கு பதில் சொல்வதற்கே சிக்கந்தா் பக்த் போன்ற தலைவா்களைக் கொண்டு இந்த அணிக்கு வலு சோ்க்கப்பட்டது.

பாஜக தொடங்கப்பட்ட காலத்தில் முக்கிய 4 நிா்வாகிகளில் துணைத் தலைவராக இருந்தவா் பகத். வாஜ்பாய் அமைச்சரவையில் இருமுறை மத்திய அமைச்சராகவும், கேரள மாநிலத்தின் ஆளுநராகவும் இருந்தவா்.

ஒரே நாடு, ஒரே மக்கள் என்பதுதான் பாஜக-வின் கொள்கை. இங்கு சிறுபான்மையும் கிடையாது, பெரும்பான்மையும் கிடையாது. இஸ்லாமியா்கள், கிறிஸ்தவா்களிடம் இத்தகைய கருத்தை கொண்டு சோ்க்க வேண்டும்.

பாஜக ஆட்சியில் எல்லோரும் சமம். வளா்ச்சி என்பதும் அனைவருக்குமானது. ஒற்றுமை அனைவருக்குமானது. பன்முகத் தன்மைதான் கலாசாரம். இந்த சித்தாந்தத்தை புரிந்து கொள்ளாமல் எதிா்க்கட்சிகள் பாஜக மீது இந்துத்துவா என அவதூறு பரப்பி வருகின்றன.

அனைவரையும் அரவணைத்து அனைவருக்குமான முன்னேற்றம் என்பதே பாஜகவின் ஆட்சி.

மத நம்பிக்கையை சிதைக்கும் வகையிலும், மதநல்லிணக்கத்துக்கு எதிராகவும் செயல்பட்டால் யாராக இருந்தாலும் பாஜக கடும் நடவடிக்கை எடுக்கும் என்றாா் அவா். தொடா்ந்து நலத்திட்ட உதவிகளையும் வேலூா் இப்ராஹிம் வழங்கினாா்.

நிகழ்வில், சிறுபான்மை பிரிவு மாநிலத் துணைத் தலைவா் ஏ.ஆா். பாட்ஷா, பாஜக மாநகா் மாவட்டத் தலைவா் ராஜசேகரன் மற்றும் கட்சியின் நிா்வாகிகள், சிறுபான்மை அணி நிா்வாகிகள் என பலா் கலந்து கொண்டனா்.