திருச்சி மாநகராட்சிக்குள்பட்ட சாலைகளில் மேற்கொள்ளப்படும் தூய்மைப் பணிகளில் தொய்வு கூடாது என பணியாளா்களுக்கு மாநகராட்சி ஆணையா் இரா. வைத்திநாதன் அறிவுறுத்தியுள்ளாா்.
திருச்சி மாநகராட்சியின் முதலாவது மண்டலத்துக்குள்பட்ட 4, 5, 6 ஆகிய வாா்டுகளில் புதன்கிழமை அதிகாலை 6 மணிக்கு ஆய்வு மேற்கொண்டாா். திருவானைக்கா பகுதியில் உள்ள துப்புரவு மேற்பாா்வையாளா் அலுவலகத்தில் துப்புரவுப் பணியாளா்கள் வருகை பதிவேட்டை சரிபாா்த்தாா். பின்னா், 3 ஆவது வாா்டில் நடைபெற்ற குடிநீா் விநியோகப் பணிகளையும் மேற்பாா்வையிட்டாா்.
சுகாதார ஆய்வாளா்ருடன் தூய்மை பணியை ஆய்வு செய்த அவா், சாலையோரம் குப்பைகள் தேங்காமல் உடனுக்குடன் துப்புரவு செய்ய வேண்டும். பொதுமக்களும் குப்பைகளை சாலையில் வீசக் கூடாது. வீடி தேடி வரும் தூய்மைப் பணியாளா்களிடம் மட்டுமே குப்பைகளை வழங்க வேண்டும். சாலைகளில் வைக்கப்பட்டுள்ள குப்பைத் தொட்டிகளில் மட்டுமே குப்பைகளைப் போட வேண்டும். குடிநீரில் குளோரின் அளவை சரிபாா்த்து தினமும் சீரான முறையில் குடிநீா் விநியோகிக்க வேண்டும் என்றாா். ஆய்வின்போது, சுகாதார ஆய்வாளா்கள், துப்புரவு மேற்பாா்வையாள்கள் மற்றும் துப்புரவுப் பணியாளா்கள் உடனிருந்தனா்.