போலி ஆவணங்கள் மூலம் வேறு ஒருவரின் நிலத்தை மோசடியாகப் பத்திரப்பதிவு செய்ய முயன்ற 4 போ் கைது செய்யப்பட்டனா்.
திருச்சி மாவட்டம், ஆலம்பட்டிபுதூரைச் சோ்ந்த கணினி மையம் நடத்தி வரும் சி. கருப்பையா (35) வியாழக்கிழமை பகல் மேலகல்கண்டாா்கோட்டை சாமிநாதன் நகரைச் சோ்ந்த பீட்டா் மனைவி ஆரோக்கியமேரி (59), மருதமுத்து மகன் ராம்குமாா்(41) , விராலிமலை வட்டம் குன்னத்தூா் செல்வராஜ் ஆசீா்வாதம் (51), ஆகியோருடன் திருச்சி கே. சாத்தனூா் சாா்பதிவாளா் அலுவலகத்திற்கு வந்தாா். பின்னா் மேக்குடி கிராமத்திலுள்ள 4,800 சதுரடி நிலத்தை ஆரோக்கியமேரி பெயரில் பத்திரப் பதிவு செய்வதற்கான ஆவணங்களை சாா் பதிவாளா் கோகிலா முன்னிலையில் தாக்கல் செய்தாா். அவற்றை சாா்பதிவாளா் கோகிலா சரிபாா்த்தபோது ஆரோக்கியமேரியின் ஆதாா் காா்டு போலி என்பதும், மேலும் பத்திர பதிவு செய்யக் காட்டப்பட்ட நிலம் வேறு ஒருவா் பெயரில் இருப்பதும் தெரிய வந்தது. இதையடுத்து கருப்பையா உள்ளிட்ட நால்வரையும் கேகே நகா் குற்றப்பிரிவு போலீஸில் சாா் பதிவாளா் கோகிலா ஒப்படைத்தாா்.
விசாரணையில் மேக்குடி கிராமத்தில் வெளிநாட்டில் வசிக்கும் ஜெயபப்லி, பீட்டா் பப்லி ஆகியோருக்குச் சொந்தமான நிலத்தில் பீட்டா் பப்லியின் பங்கான 4800 சதுரடி நிலத்தை போலி ஆவணங்கள் மூலம் ஆரோக்கியமேரியின் பெயருக்கு மாற்ற முயற்சி நடந்தது தெரியவந்தது.
இதையடுத்து போலீஸாா் கருப்பையா, ஆரோக்கியமேரி, அவா்களுக்கு உடந்தையாக இருந்த செல்வராஜ் ஆசீா்வாதம், ராம்குமாா் ஆகிய நால்வரையும் கைது செய்து விசாரிக்கின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.