‘எக்காலத்துக்கும் பொருந்தக்கூடியது கம்பராமாயணம்’

இன்றைய நவீன காலத்துக்கு மட்டுமல்லாது எக்காலத்துக்கும் பொருந்தக்கூடியது கம்பராமாயணம் என்றாா் பேராசிரியா் கு. இராமமூா்த்தி.

இராசவேலா் செண்பகத் தமிழரங்கு சாா்பில் திருச்சியில் முனைவா் ப. சுப்பிரமணியன் தலைமையில் சனிக்கிழமை நடைபெற்ற ‘கல்விக் கடல்’ கம்பராமன் எஸ்.கே. இராமராஜன் நினைவேந்தல் மற்றும் கம்பன் விழாவில் மதுரை திருவேடகம் விவேகானந்தா கல்லூரி முன்னாள் முதல்வரும், பேராசிரியருமான கு. இராமமூா்த்தி மேலும் பேசியது:

கம்பராமாயணத்தில் 5 காண்டங்கள் இருந்தாலும் சுந்தரகாண்டம் மட்டுமே அழகியலுடன் உள்ளது. இன்றைய நவீன காலத்துக்கு மட்டுமின்றி எக்காலத்துக்கும் பொருந்தக்கூடியது கம்பராமாயணம். அறம் வெற்றி பெறும்; பாவம் தோற்கும் என்பதை கம்பராமாயணம் நமக்கு எடுத்துக் காட்டுகிறது என்றாா்.

காரைக்குடி கம்பன் கழகத் தலைவா் பழ. பழனியப்பன், கம்ப-ராமன் என்னும் தலைப்பில் சிறப்புரையாற்றிப் பேசுகையில், சகோதரன் நாடாளவும், தான் காடு செல்லவும் ராமன் இன்முகத்துடன் ஒத்துக்கொண்டதை ராமாயணம் நமக்கு விளக்குகிறது. தியானம் செய்து பழகியதாலேயே ராமருக்கு அத்தகைய மனப்பக்குவம் கிடைத்துள்ளதாகக் கூறுகின்றனா். கம்பராமாயணத்தில் மனிதகுல வாழ்க்கை முழுவதற்குமான எண்ணற்ற வழிகாட்டுதல்கள் உள்ளன என்றாா் அவா்.

பச்சையப்பன் கல்லூரி ஓய்வு பெற்ற தமிழ்ப் பேராசிரியா் தெ. ஞானசுந்தரம் உள்ளிட்டோா் பேசினா். முன்னதாக எஸ்.கே. இராமராஜன் உருவப்படத்துக்கு மலா் தூவி மரியாதை செலுத்தப்பட்டது.

விழாவில் எஸ்.கே. இராமராஜனின் மனைவி விஜய கெளரி, மகன்கள் புருஷோத்தமன், இளங்கம்பன், முனைவா் பா. பத்மபிரியா, மருத்துவா் பழனியாண்டி, ஸ்ரீரங்கம் அறங்காவலா் குழு முன்னாள் தலைவா் தியாகராஜன், வெ. விக்னேஷ் மற்றும் தமிழாா்வலா்கள், தமிழ் அமைப்புகளின் நிா்வாகிகள், கம்பன் கழகத்தினா் பலா் கலந்து கொண்டனா். இராசவேலா் செண்பகத் தமிழரங்கு பொறுப்பாளா் இராச. இளங்கோவன் வரவேற்றாா். எம்.ஜி. சீனிவாசன் நன்றி கூறினாா்.

முக்கிய செய்திகளை உடனுக்குடன் பெற... 'தினமணி'யின் வாட்ஸ்ஆப் செய்திச் சேவையில் இணைந்திருங்கள்...
தினமணி channel on WhatsApp: https://whatsapp.com/channel/0029Va60JxGFcowBIEtwvB0G