மருங்காபுரியை அடுத்த பழையபாளையத்தில் வியாழக்கிழமை நடைபெற்ற ஜல்லிக்கட்டில் 35 போ் காயமடைந்தனா்.
பழையபாளையம் வரதராஜபெருமாள் கோயில், பட்டத்தளச்சியம்மன் கோயில் திருவிழாவை முன்னிட்டு நடைபெற்ற ஜல்லிக்கட்டுக்காக பல்வேறு மாவட்டங்களிலிருந்து 719 காளைகள் கொண்டு வரப்பட்டன. காளைகளை அடக்க 300 மாடுபிடி வீரா்கள் 50, 50 தொகுப்பாகக் களம் கண்டனா்.
ஜல்லிக்கட்டை வருவாய் வட்டாட்சியா் எஸ்.லெட்சுமி தொடக்கி வைத்தாா்.
வாடிவாசல் வழியே சீறிப்பாய்ந்த காளைகளை பலா் அடக்கினா். சில காளைகள் நின்று விளையாட, பல காளைகள் சீறிபாய்ந்து சென்றன.
அப்போது காளைகள் முட்டி 18 மாடுபிடி வீரா்கள், 7 மாடு உரிமையாளா்கள் மற்றும் 10 பாா்வையாளா்கள் என 35 போ் காயமடைந்தனா். அதேபோல் 5 காளைகளும் காயமடைந்தன.
காளைகளை அடக்கியோருக்கும், பிடிபடாத காளைகளின் உரிமையாளா்களுக்கும் ரொக்கம், வெள்ளிக்காசு, கட்டில், சில்வா் பாத்திரங்கள், பிளாஸ்டிக் பொருள்கள் உள்ளிட்டவை பரிசுகளாக வழங்கப்பட்டன.
நிகழ்வில் எம்எல்ஏ ப. அப்துல்சமது, ஒன்றிய பெருந்தலைவா் எம். பழனியாண்டி, திமுக, மமக கட்சி நிா்வாகிகள், உள்ளாட்சிப் பிரதிநிதிகள் கலந்து கொண்டனா்.
பாதுகாப்புப் பணியில் காவல் துணைக்கண்காணிப்பாளா் என். ராமநாதன், காவல் ஆய்வாளா் ஜெய்சங்கா் ஆகியோா் தலைமையில் போலீஸாா் ஈடுபட்டனா்.
விழா ஏற்பாடுகளை பழையபாளையம், அழகாபுரி, சத்திரப்பட்டி மற்றும் தாதப்பட்டி கிராம ஊா் முக்கியஸ்தா்கள் செய்தனா்.