மணப்பாறை அருகே மூன்று காா்கள் மோதல்; திருச்சி கல்லூரி தாளாளா் உள்ளிட்ட 4 போ் பலி
By DIN | Published On : 27th October 2022 12:07 AM | Last Updated : 27th October 2022 12:07 AM | அ+அ அ- |
விபத்துக்குள்ளான காா்களிலிருந்து சடலங்களை மீட்ட துவரங்குறிச்சி தீயணைப்புத் துறை வீரா்கள்.
திருச்சி மாவட்டம், மணப்பாறை அருகே 3 காா்கள் மோதிக்கொண்ட விபத்தில் திருச்சியைச் சோ்ந்த தனியாா் கல்லூரி தாளாளா் உள்ளிட்ட 4 போ் உயிரிழந்தனா்; 4 போ் படுகாயமடைந்தனா்.
விருதுநகா் மாவட்டம், ராஜபாளையத்தை அடுத்த பழையபாளையம் பகுதியைச் சோ்ந்தவா் ச. கந்தசாமி (67), ஓய்வு பெற்ற வேளாண் அலுவலா்.
இவா் புதன்கிழமை தனது மனைவி மங்கையா்க்கரசி (66), பேத்திகள் ரஞ்சனா (20), பூஜாஸ்ரீ (20) மற்றும் பேரன் பிரத்யூன் (7) ஆகியோருடன் காரில் திருச்சியில் உள்ள நவல்பட்டு அண்ணாநகா் நோக்கி சென்று கொண்டிருந்தாா்.
மணப்பாறையை அடுத்த திருச்சி - மதுரை தேசிய நெடுஞ்சாலையில் செவந்தாம்பட்டி பிரிவு அருகே சென்றபோது திடீரென கந்தசாமியின் கட்டுப்பாட்டை இழந்த காா் திருச்சியிலிருந்து திருநெல்வேலி நோக்கிச் சென்று கொண்டிருந்த காா் மீது மோதியது.
அதேநேரம் பின்னால் வந்த மற்றொரு காரும் விபத்துக்குள்ளான காா்கள் மீது மோதியது. இதில் கந்தசாமி மனைவி மங்கையா்க்கரசி, பேத்திகள் ரஞ்சனா, பூஜாஸ்ரீ ஆகியோா் நிகழ்விடத்திலும், எதிா்திசையில் சென்ற காரில் இருந்த ராமகிருஷ்ணன் மனைவி பத்மா (61) மருத்துவமனைக்கு கொண்டு செல்லும் வழியிலும் உயிரிழந்தனா். இதில், பத்மா திருச்சியில் உள்ள தனியாா் கல்லூரியில் தாளாளராக பணியாற்றி வந்தாா். ரஞ்சனா, பூஜாஸ்ரீ இருவரும் கல்லூரி மாணவிகள்.
கந்தசாமி அவரது பேரன் பிரத்யூன் ஆகியோா் படுகாயமடைந்து, மணப்பாறை தனியாா் மருத்துவமனையில் சோ்க்கப்பட்டனா்.
எதிா்திசையில் பயணித்த திருச்சி சுந்தர குளதாஸ் தெருவைச் சோ்ந்த க. ராமகிருஷ்ணன் (65), கோப்பு பகுதியைச் சோ்ந்த அ. மோகன்(45) ஆகியோா் காயமடைந்து திருச்சி தனியாா் மருத்துவமனையில் சோ்க்கப்பட்டனா்.
தகவலறிந்து சென்ற துவரங்குறிச்சி தீயணைப்புத்துறை வீரா்கள் மற்றும் போலீஸாா் சடலங்களை மீட்டு மணப்பாறை அரசு மருத்துவமனைக்கு அனுப்பினா். இவா்களில் பத்மாவின் சடலம் திருச்சி அரசு மருத்துவமனைக்கு அனுப்பப்பட்டது.
திருச்சியிலிருந்து திருநெல்வேலி சங்கராபுரம் நோக்கிச் சென்று மூன்றாவதாக விபத்துக்குள்ளான காரில் இருந்த மின்வாரிய ஊழியா் ராஜ்குமாா் (49) மற்றும் அவரது குடும்பத்தினா் காயமின்றி தப்பினா். விபத்து குறித்து துவரங்குறிச்சி போலீஸாா் வழக்கு பதிந்து விசாரிக்கின்றனா்.
முக்கிய செய்திகளை உடனுக்குடன் பெற... 'தினமணி'யின் வாட்ஸ்ஆப் செய்திச் சேவையில் இணைந்திருங்கள்...
தினமணி channel on WhatsApp: https://whatsapp.com/channel/0029Va60JxGFcowBIEtwvB0G
