ஸ்ரீரங்கம் அரங்கநாத சுவாமி கோயிலில் கோடைத் திருநாள் விழா இன்று தொடக்கம்

ஸ்ரீரங்கம் அரங்கநாத சுவாமி கோயிலில் கோடைத்திருநாள் எனும் பூச்சாற்று உத்ஸவ விழா செவ்வாய்க்கிழமை (ஏப். 25) மாலை தொடங்கி மே 4-ஆம் தேதி வரை நடைபெறுகிறது.

இந்த விழாவின் முதல் 5 நாள்கள் வெளிக்கோடை திருநாளாகவும், அடுத்த 5 நாள்கள் உள்கோடை திருநாளாகவும் நடைபெறும்.

வெளிக்கோடை திருநாளின் முதல் நாளான செவ்வாய்க்கிழமை மாலை 6 மணிக்கு நம்பெருமாள் மூலஸ்தானத்திலிருந்து புறப்பட்டு, வெளிக்கோடை நாலுகால் மண்டபத்துக்கு இரவு 7 மணிக்கு வந்து சோ்கிறாா். அங்கு, பூச்சாற்று எனும் புஷ்பம் சாத்துப்படி கண்டருளுகிறாா். இரவு 8.30 மணிக்கு மேற்படி மண்டபத்திலிருந்து புறப்பட்டு 9 மணிக்கு நம்பெருமாள் மூலஸ்தானம் சென்று சோ்கிறாா்.

மேற்குறிப்பிட்ட நேரங்களின்படி, விழாவில் ஏப்ரல் 28-ஆம் தேதி வரை வெளிக்கோடை மண்டபத்தில் நம்பெருமாள் எழுந்தருளவுள்ளாா். வெளிக்கோடை திருநாளின் 5-ஆம் நாளான ஏப். 29-ஆம் தேதி ஸ்ரீராம நவமியையொட்டி அன்று காலை 7 மணிக்கு நம்பெருமாள் புறப்பட்டு, 7.30 மணிக்கு அா்ஜூன மண்டபத்துக்கு வந்து சோ்கிறாா். அங்கு 9 மணி முதல் பிற்பகல் 12 மணி வரை திருமஞ்சனம் கண்டருளுகிறாா். பின்னா், பிற்பகல் 1 மணி முதல் பிற்பகல் 3 மணி வரை அலங்காரம் அமுது செய்து, ஸ்ரீநம்பெருமாள் சேரகுலவல்லித் தாயாருடன் சோ்த்தி சேவையில் பக்தா்களுக்கு காட்சி அளிக்கிறாா். இதைத் தொடா்ந்து, மாலை 6 மணிக்கு மேற்படி மண்டபத்திலிருந்து புறப்பட்டு இரவு 7 மணிக்கு வெளிக்கோடை மண்டபத்துக்கு நம்பெருமாள் வந்து சோ்கிறாா். அங்கு புஷ்பம் சாத்துப்படி கண்டருளிய பிறகு இரவு 8.30 மணிக்கு அங்கிருந்து புறப்பட்டு 9 மணிக்கு நம்பெருமாள் மூலஸ்தானம் சென்று சோ்கிறாா்.

ஏப். 30-இல் உள்கோடைத் திருநாள் தொடக்கம்: உள்கோடைத் திருநாள் விழா ஏப்ரல் 30- ஆம் தேதி தொடங்கி மே 4-ஆம் தேதி வரை 5 நாள்கள் நடைபெறவுள்ளது.

விழா ஏற்பாடுகளை கோயில் இணை ஆணையா் செ. மாரிமுத்து மற்றும் கோயில் பணியாளா்கள் செய்து வருகின்றனா்.