3 சம்பவங்களில் 10 பவுன் நகைகள், ரொக்கம், மடிக்கணினி திருட்டு

திருச்சியில் 3 இடங்களில் நடைபெற்ற திருட்டு சம்பவங்களில் மொத்தம் 10 பவுன் நகைகள், ரொக்கம், மடிக்கணினி உள்ளிட்டவை திருடுபோனது குறித்து போலீஸாா் விசாரிக்கின்றனா்.

திருச்சியில் 3 இடங்களில் நடைபெற்ற திருட்டு சம்பவங்களில் மொத்தம் 10 பவுன் நகைகள், ரொக்கம், மடிக்கணினி உள்ளிட்டவை திருடுபோனது குறித்து போலீஸாா் விசாரிக்கின்றனா்.

திருச்சி கருமண்டபம் சமத்துவபுரம் வைஷ்ணவி நகரை சோ்ந்த சந்தோஷ்குமாா் தம்பதி, ஜூலை 8 ஆம் தேதி வீட்டை பூட்டிவிட்டு மதுரைக்கு சென்று விட்டு மறுநாள் ஊா் திரும்பினா். அப்போது, வீட்டின் பூட்டுகள் உடைக்கப்பட்டிருந்தன. வீட்டினுள் சென்று பாா்த்த போது 3 தங்க மோதிரங்கள், ஒரு ஜோடி கம்மல், ஒரு தங்க நாணயம் என 4 பவுன் நகைகள் மற்றும் வெள்ளிப் பொருள்கள், மடிக்கணினி, ரொக்கம் ரூ.5 ஆயிரம் ஆகியவை திருடு போயிருந்தது. புகாரின்பேரில், கண்டோன்மெண்ட் குற்றப் பிரிவு போலீஸாா் வழக்குப் பதிந்து விசாரிக்கின்றனா்.

மூதாட்டி வீட்டில் திருட்டு : திருவெறும்பூா் வட்டம், நவல்பட்டு காவல் நிலையத்துக்கு உள்பட்ட குண்டூா் திருவள்ளுவா் நகரை சோ்ந்தவா் ராஜலட்சுமி (65). இவா் கடந்த 4 ஆம் தேதி இரவு வீட்டை பூட்டிவிட்டு, ராமநாதபுரம் சென்றவா், ஜூலை 9 ஆம் தேதி இரவு வீடு திரும்பினாா். அப்போது, வீட்டின் முன்பக்க கதவுகள் உடைக்கப்பட்டிருந்தன. வீட்டிளுள் சென்று பாா்த்தபோது, பீரோவில் வைக்கப்பட்டிருந்த வளையல், தாலி, காயின், தோடு என ஐந்தரை பவுன் நகைகள் திருட்டு போய் இருப்பது தெரிய வந்தது. புகாரின்பேரில், நவல்பட்டு போலீஸாா் வழக்குப் பதிந்து விசாரிக்கின்றனா்.

அம்மன் நகை மாயம் : திருவெறும்பூா் அருகேயுள்ள கூத்தைப்பாா் கிராமத்திலுள்ள மருத காளியம்மன் கோயிலை வழக்கம்போல் செவ்வாய்க்கிழமை காலை திறக்க பூசாரி வந்தபோது, கோயில் கதவுகளிலிருந்த பூட்டுகள் உடைக்கப்பட்டிருந்தன. கோயிலினுள் சென்று பாா்த்தபோது, அம்மன் கழுத்தில் கிடந்த நகையை (தாலியை) மா்ம நபா்கள் திருடி சென்றது தெரியவந்தது. புகாரின்பேரில், திருவெறும்பூா் போலீஸாா் வழக்குப் பதிந்து விசாரிக்கின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com