பொதுத் தோ்வுகளில் சிறப்பிடம்: அரசுப் பள்ளி மாணவா்களுக்கு பாராட்டு விழா

திருச்சி மாவட்டத்திலுள்ள அரசுப் பள்ளிகளில் 10, 12ஆம் வகுப்புகளில் அதிக மதிப்பெண் பெற்ற மாணவா்களுக்கு தமிழ் வழிக் கல்வி இயக்கத்தின் சாா்பில் பாராட்டு விழா நடைபெற்றது.

இரட்டை மலையாா், மறைமலையடிகள், காமராஜா் ஆகியோரின் பிறந்த நாள் விழா, அரசுப் பள்ளி மாணவா்களுக்கு பாராட்டு விழா, நூல் அறிமுக விழா என முப்பெரும் விழாவை தமிழ் வழிக்கல்வி இயக்கம் நடத்தியது.

திருச்சிராப்பள்ளித் தமிழ்ச் சங்க வளாகத்தில் திங்கள்கிழமை நடைபெற்ற இந்த விழாவுக்கு இயக்க முன்னோடி செஞ்ஞாயிறு தலைமை வகித்தாா். தமிழ் எழுச்சி பாடல்களை தென்மொழி ஈஸ்வரன் பாடி விழாவை சிறப்பித்தாா்.

தமிழ் வழியில் அரசுப் பள்ளிகளில் படித்து, எஸ்எஸ்எல்சி, பிளஸ் 2 வகுப்புகளில் அதிக மதிப்பெண் பெற்ற அரசு சையது முா்துசா மேல்நிலைப் பள்ளி 12ஆம் வகுப்பு மாணவா்கள் சுபத்ரா, விஜயபாரதி, தனபால், 10ஆம் வகுப்பில் ஈஸ்வரன், ரஞ்சித், ருக்ஷானா ஆகிய 6 பேருக்கு பாராட்டு தெரிவிக்கப்பட்டு புத்தகங்கள் பரிசுகளாக வழங்கப்பட்டன. சான்றிதழ்கள் வழங்கி திருச்சி மாநகர கல்விக் குழுத் தலைவா் வே. பொற்கொடி, தணிக்கையா் மு. குமரசாமி, இயக்க நிா்வாகிகள் செந்தமிழ்வேந்தன், அரசெழியன், பெருமாள் ஆகியோா் வாழ்த்திப் பேசினா்.

பின்னா், நடைபெற்ற கருத்தரங்கத்தில் முனைவா் கு. திருமாறன், பைந்தமிழியக்க இயக்குநா் புலவா் பழ.தமிழாளன், புலவா் வை.தேனரசன் ஆகிய மூவரும் மறைமலையடிகள், இரட்டைமலையாா், காமராஜா் குறித்து பல்வேறு தலைப்புகளில் சிறப்புரையாற்றினா்.

எழுத்தாளா் க.ம. மணிவண்ணனின் ‘ஒன்றும் தெரியாத சின்னப்பையன்’ என்ற நூலும் அறிமுகம் செய்யப்பட்டது. வழக்குரைஞா்கள் பகவத்சிங், பொற்கோ, சின்னப்பத் தமிழா், பசுமைப் பாண்டியன், ஜெகன் ஆகியோா் தமிழின் சிறப்புகள் குறித்து முழக்கவுரையாற்றினா்.

சமூக நல இயக்கக் கூட்டமைப்பின் ஒருங்கிணைப்பாளா் வ.காசிநாதன் வரவேற்றாா். இயக்கத்தின் நிா்வாகி பாலாசி நன்றி கூறினாா்.

விழாவில், தமிழ் ஆா்வலா்கள், ஆசிரியா்கள், எழுத்தாளா்கள், தமிழ் அமைப்புகளின் நிா்வாகிகள், மாணவா்கள் என பலா் கலந்து கொண்டனா்.