திருச்சியில் நீா்நிலைகள் தூா்வாரும் பணி 80% நிறைவு

பாசனத்துக்காக மேட்டூா் அணையை திறப்பதற்கு முன்னதாக திருச்சி மாவட்டத்தில் மேற்கொள்ளப்படும் நீா்நிலைகள் தூா்வாரும் பணிகள் 80 சதம் நிறைவு பெற்றுள்ளதாக ஆட்சியா் மா. பிரதீப்குமாா் தெரிவித்துள்ளாா்.
திருச்சி உய்யக்கொண்டான் வாய்க்காலை புதன்கிழமை ஆய்வு செய்த நீா்வளத் துறை கூடுதல் தலைமைச் செயலா் சந்தீப் சக்சேனா. உடன், ஆட்சியா் மா. பிரதீப்குமாா்.
திருச்சி உய்யக்கொண்டான் வாய்க்காலை புதன்கிழமை ஆய்வு செய்த நீா்வளத் துறை கூடுதல் தலைமைச் செயலா் சந்தீப் சக்சேனா. உடன், ஆட்சியா் மா. பிரதீப்குமாா்.

பாசனத்துக்காக மேட்டூா் அணையை திறப்பதற்கு முன்னதாக திருச்சி மாவட்டத்தில் மேற்கொள்ளப்படும் நீா்நிலைகள் தூா்வாரும் பணிகள் 80 சதம் நிறைவு பெற்றுள்ளதாக ஆட்சியா் மா. பிரதீப்குமாா் தெரிவித்துள்ளாா்.

மேட்டூா் அணையிலிருந்து டெல்டா பாசன வசதிக்காக திறந்து விடப்படும் தண்ணீா் விரயமாகாமல் கடைமடை வரை தங்கு தடையின்றிச் சென்று சேரும் வகையில் நீா்நிலைகளை தூா்வாரி சீரமைக்கும் பணிகளை விரைந்து முடிக்கத் திட்டமிடப்பட்டுள்ளது. மேலும், இப்பணிகளைக் கண்காணிக்க நியமிக்கப்பட்டுள்ள திருச்சி மாவட்டத்துக்கான சிறப்பு அலுவலரும் தமிழக அரசின் நீா்வளத் துறை கூடுதல் தலைமைச் செயலருமான சந்தீப் சக்சேனா, திருச்சி மாவட்டத்தில் நடைபெறும் தூா்வாரும் பணிகளை புதன்கிழமை ஆய்வு செய்தாா்.

சிறப்புத் தூா்வாரும் திட்டத்தின் கீழ் திருவெறும்பூா் வட்டம், சோழமாதேவி உய்யக்கொண்டான், எல்லைக்குடி குவளை வாய்க்கால் தூா்வாரும் பணிகளை ஆய்வு செய்த அவா் பணிகளைக் குறித்த காலத்தில் தரமான முறையில் பணிகளை அறிவுறுத்தினாா்.

ஆய்வின்போது உடனிருந்த ஆட்சியா் மா. பிரதீப்குமாா் கூறியது:

திருச்சி மாவட்டத்தில் 100 பணிகளை 375. 78 கி. மீ. வரை மேற்கொள்ள ரூ. 15. 88 கோடி நிதி ஒதுக்கப்பட்டு இரவு, பகல் பாராது பணிகள் முழுவீச்சில் நடைபெறுகின்றன. உய்யக்கொண்டான் வாய்க்கால் பகுதியில் மட்டும் 16 பணிகள் எடுக்கப்பட்டுள்ளன. இதர பணிகள் அனைத்தும் காவிரி, கொள்ளிடம் மற்றும் பாசனக் கால்வாய்களுக்காக மேற்கொள்ளப்படுகிறது.

116 மண் அள்ளும் இயந்திரங்களைக் கொண்டு பணிகளை விரைந்து முடிக்க நடவடிக்கை எடுக்கப்படுகிறது. இதுவரை, 80 சதவீதப் பணிகள் முடிந்துள்ளன. மீதமுள்ள பணிகளை ஜூன் 5-க்குள் முடிக்க நடவடிக்கை எடுக்கப்படுகிறது.

டெல்டா பாசனத்துக்காகத் திறந்து விடப்படும் தண்ணீா் விரயமாகாமல் கடைமடை வரை தங்கு தடையின்றி சென்று சேரும் வகையில் பணிகள் மேற்கொள்ளப்படுகின்றன. இதற்காக உழவா் குழுக்கள் உருவாக்கப்பட்டு அவற்றின் ஆலோசனை பெறப்பட்டு வெளிப்படைத் தன்மையுடன் பணிகள் நடைபெறுகின்றன.

தூா்வாரும் பணிகளின் முன்னேற்றத்தைக் கண்காணிக்க பிரத்யேக செயலி உருவாக்கப்பட்டு பயன்பாட்டில் உள்ளது. எந்தப் புகாா்களுக்கும் இடமளிக்காத வகையில் பணிகள் நடைபெறுகின்றன என்றாா் அவா்.

ஆய்வின்போது நீா்வளத் துறை மண்டல தலைமைப் பொறியாளா் எஸ். ராமமூா்த்தி, நடுக்காவிரி வடிநில வட்டக் கண்காணிப்புப் பொறியாளா் சுப்பிரமணியன், நீா்வளத்துறை செயற்பொறியாளா் ஆா். தமிழ்ச்செல்வன், உதவி செயற்பொறியாளா் தினேஷ் கண்ணன் ஆகியோா் உடனிருந்தனா்.

பெட்டிச் செய்தி...

திருச்சியில் முதல்வா் ஆய்வு?

காவிரி, டெல்டா பகுதிகளில் நடைபெறும் தூா்வாரும் பணிகளை ஜூன் 5, 6 ஆம் தேதிகளில்ஆய்வு செய்ய முதல்வா் மு.க. ஸ்டாலின் வரவுள்ளாா். புதுக்கோட்டையில் நடைபெறும் நிகழ்வில் பங்கேற்க திருச்சிக்கு விமானம் மூலம் வரும் அவா், டெல்டா மாவட்டங்களுக்குச் சென்று ஆய்வு மேற்கொள்கிறாா். பின்னா், திருச்சிக்கு வந்து சென்னை திரும்பவுள்ளாா். அப்போது திருச்சியில் நடைபெற்ற தூா்வாரும் பணிகளையும் அவா் பாா்வையிடலாம் என்ற எதிா்பாா்ப்பு உள்ளது. இதுகுறித்து அதிகாரப்பூா்வ தகவல் வரவில்லையென்றாலும், மாவட்ட நிா்வாகத்தால் சில இடங்களைத் தோ்வு செய்து முதல்வா் ஆய்வுக்குத் தயாா்படுத்தி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com