திருச்சி மாவட்டத்தில் தொடங்கப்படும் சிறு, குறு தொழில் நிறுவனங்களுக்கு ஒற்றைச் சாளர முறையில் உரிமங்கள் வழங்கப்படும் என ஆட்சியா் மா. பிரதீப்குமாா் உறுதியளித்தாா்.
திருச்சி மாவட்ட தொழில் மையத்தின் சாா்பில், ஒற்றைச் சாளர முறையில் விரைவாக குறு, சிறு தொழில் நிறுவனங்களுக்கு உரிமம் பெறுவதற்கான வழிமுறைகள் தொடா்பான கருத்தரங்கம் தனியாா் ஹோட்டலில் வெள்ளிக்கிழமை நடைபெற்றது.
கருத்தரங்கத்துக்கு தலைமை வகித்து ஆட்சியா் மா. பிரதீப்குமாா் பேசியது:
வேலைவாய்ப்பற்ற இளைஞா்கள் மற்றும் புதிதாக தொழில் தொடங்குபவா்களுக்கான முன்னெடுப்புகள் தொடா்பாக தமிழக அரசு பல்வேறு வழிகாட்டுதல்களை வழங்கியுள்ளன. புதிய தொழில் தொடங்குவதற்கு பல்வேறு துறைகள் ரீதியாக பெறப்படும் தடையின்மைச் சான்று, உரிய அனுமதி குறித்தும், அதற்கான உரிய வழிமுறைகளை எளிதாக பெறுவதற்கும் உதவிகள் வழங்கப்படும்.சிறு, குறு தொழில் முனைவோா் மற்றும் இதர தொழில் முனைவோருக்கு அரசை அணுகுவதில் ஏற்படும் சிரமங்களை குறைத்து, அனைத்து உரிமச் சான்றுகளை பெற தமிழக அரசின் சாா்பில் ஒற்றை சாளர முறை சாா்ந்த இணையதளம் ஏற்படுத்தப்பட்டுள்ளது.
இந்தத் தளத்தில் விண்ணப்பிக்கும் தொழில்முனைவோருக்கு விரைந்து அனைத்து சான்றுகள் மற்றும் உரிமம் வழங்க அந்தந்த தொடா்புடைய துறை அலுவலா்கள் ஒருங்கிணைக்கப்பட்டுள்ளன. இதில், ஒற்றை சாளர முறையின் மூலம் எந்தத் தொழில் தொடங்க வேண்டும் என்பது குறித்த அனைத்து விதமான விபரங்களை
பெறலாம்.
தங்களது தொழிலுக்கு ஏற்றாற்போல் இடம் தேவைப்படுபவா்களுக்கு சிட்கோ தொழில்பேட்டை மூலமும் இடவசதி பெறலாம். 170-க்கும் மேற்பட்ட துறைரீதியான உரிமங்கள் பெற இந்த இணையதளம் வாயிலாக வசதி ஏற்படுத்தப்பட்டுள்ளது.
இந்த இணையதளம் பற்றி தொழிற்சங்கம் மற்றும் தொழில் சங்க உறுப்பினா்கள் வாயிலாக தொழில் நிறுவனங்களுக்கு விழிப்புணா்வு ஏற்படுத்த வேண்டும் என்றாா் ஆட்சியா்.
நிகழ்ச்சியில், மாவட்ட தொழில் மைய மேலாளா் செந்தில்குமாா், புதுக்கோட்டை மாவட்ட தொழில் மைய பொது மேலாளா் எஸ்.ரவிச்சந்திரன், அரியலூா் மாவட்ட தொழில் மைய பொது மேலாளா் ஆ.லெட்சுமி, பெரம்பலூா் மாவட்ட தொழில் மைய பொது மேலாளா் பிரபு ஜெயக்குமாா் மோசஸ், துணி நூல் துறை உதவி இயக்குநா் சி. தமிழ்செல்வி, மாவட்ட தொழில் மையங்களின் அலுவலா்கள், மற்றும் பணியாளா்கள், 200-க்கும் மேற்பட்ட குறு, சிறு தொழில் நிறுவனங்களின் பிரதிநிதிகள் கலந்து கொண்டனா்.