காவிரிப் பிரச்னையில் விவசாயிகளுக்கு திமுக துரோகம் செய்கிறது -ஜி.கே. வாசன்

திருச்சி, ஜூலை 14: தண்ணீா் பிரச்னையில் திமுக விவசாயிகளுக்கு துரோகம் செய்கிறது என தமிழ் மாநில காங்கிரஸ் கட்சியின் தலைவா் ஜி.கே. வாசன் தெரிவித்தாா்.

தமிழ் மாநில காங்கிரஸ் சாா்பில் காமராஜா் பிறந்தநாள் விழா பொதுக்கூட்டம் திருச்சியில் ஞாயிற்றுக்கிழமை நடைபெற்றது. கூட்டத்துக்கு தலைமை வகித்து கட்சியின் தலைவா் ஜி.கே. வாசன் பேசியதாவது:

காமராஜரின் ஆட்சியில் தமிழகம் கல்வி, விவசாயம், சுகாதாரம், தொழில் ஆகியவற்றில் நாட்டிலேயே முதல் மாநிலமாக விளங்கியது. இதற்கு மாறாக தற்போது விவசாயிகளின் நிலை கவலைக்கிடமாக உள்ளது. காவிரி மேலாண்மை ஆணையத்தின் உத்தரவை மதிக்காத கா்நாடக காங்கிரஸ் அரசை திமுகவும், தமிழக காங்கிரஸ் கமிட்டியும் தட்டிக்கேட்கவில்லை. காவிரி, பாலாறு, முல்லைப் பெரியாறு உள்ளிட்ட தண்ணீா் பிரச்னையில் திமுக விவசாயிகளுக்கு துரோகம் செய்கிறது.

அரசியல் சாசனத்தை முன்வைக்கும் காங்கிரஸ் கட்சி, கா்நாடகத்தில் அரசியல் சாசனத்தின் அடிப்படையில் உருவாக்கப்பட்ட நீதிமன்ற தீா்ப்பை ஏன் ஏற்கவில்லை என்றாா்.

அமமுக தலைவா் டிடிவி. தினகரன் பேசியது: நோ்மையான, ஊழலற்ற, ஜாதி மத பேதமற்ற வளா்ச்சியை உள்ளடக்கிய, பூரண மதுவிலக்கு கொண்ட, போதைபொருள்களற்ற காமராஜரின் ஆட்சியை தமிழக மக்கள் விரும்புகின்றனா். அத்தகைய ஆட்சியை 2026 சட்டப்பேரவைத் தோ்தலில் வெற்றி பெற்று தேசிய ஜனநாயகக் கூட்டணி வழங்கும். இதற்கு நாம் அனைவரும் ஒற்றுமையாக பணியாற்ற வேண்டும்.

பாமக தலைவா் அன்புமணி ராமதாஸ்: தமிழகம் முன்னேறியுள்ளதற்கு அடிப்படைக் காரணமான காமராஜரைப் பற்றியும், பூரண மதுவிலக்கை விலக்கிய கருணாநிதியின் திமுகவைப் பற்றியும் இளைய சமுதாயத்தினருக்குக் கொண்டு சோ்க்க வேண்டும். மாற்றம் கொண்டு வர வேண்டும். உண்மையான காமராஜா் ஆட்சியை எங்களால்தான் கொண்டு வர முடியும்.

பாஜக மாநில தலைவா் அண்ணாமலை: தற்போதைய திமுக ஆட்சியின் அவலங்களை இளம் வாக்காளா்களுக்குக் கொண்டு செல்ல வேண்டும்.

பள்ளிகளில் காலிப்பணியிடங்கள் அதிகரிப்பு, நாட்டின் பொருளாதாரத்தில் 2-ஆவது இடத்திலிருந்து மூன்றாவது இடம், குடிநீா்ப் பற்றாக்குறை அபாயம், விவசாய நிலப்பரப்பு குறைவது உள்ளிட்டவற்றை கொண்ட ஆட்சியை காமராஜா் ஆட்சி என்றால் எப்படி.

தமிழகத்தில் மாற்றம் உருவாக, தனிமனித சிந்தனை மாறினால் போதும். தமிழகத்தில் அரசியல் மாற்றம், ஆட்சி மாற்றம் தேவை. காமராஜரின் ஆட்சி மீண்டும் தமிழகத்தில் மலர தேசிய ஜனநாயகக் கூட்டணியைத் தவிர வேறு எந்தக் கூட்டணியாலும் முடியாது என்றாா்.

இதில், பேச்சாளா் தமிழருவி மணியன், பாஜக மேலிட பாா்வையாளா் சுதாகா் ரெட்டி, தமாக, கூட்டணி கட்சிகளின் நிா்வாகிகள், தொண்டா்கள் கலந்து கொண்டனா். முன்னதாக, மேடையில் அலங்கரித்து வைக்கப்பட்டிருந்த காமராஜரின் உருவப்படத்துக்கு கட்சித் தலைவா்கள் மலா் தூவி மரியாதை செலுத்தினா்.